[بدر حيي]

هذه المحاوره بين كل من الشاعر شاهر العنزي والشاعر معجب جلعود القحطاني.

شاهر:

الأوله سلام تسليم وافـي يقضـي النـوب

والثانـيـه لله لله درك يـــا خلـيـفـة

ترى الكلام اللي يشرف يا ابن جلعود مطلوب

بالله عجـل بالعلـوم الثمينـة والطريـفـه

معجب:

الأوله حيا اللي حضـر حقـي ومـا جـوب

والثانيه حيوا خليفه راعي اليمنى الشريفـه

يا ضيفنا ما قدمك الا العشا والبيت منصوب

وان كان قمت الصبح لك عندنا ضيفه وضيفه

شاهر:

ماني مجامل ودي اقول حظك حظ منكـوب

ما هو ردى لكن قحطان تنظر لابـن ريفـه

مطلق وسياف السحيمي لهم منهاج واسلوب

يااللي تميز بالبيـوت القويـة والضعيفـه

معجب:

انت تشوف الدرب واحد وانا قدامي دروب

وانا بسيفي وابن ريفه على دربك بسيفـه

حنا تعلمنا بعلمي ما هو في الكتب مكتوب

والكحل الاسود ما نبيعه على العين الكفيفه

شاهر:

ترى الوعد قدام يا صاحبي والوقت محسوب

ريمان يشتـال الحمـول الثقيلـه والخفيفـه

من خلقة الدنيا وحال البشر غالب ومغلـوب

بكره تشوف العلم مكتوب في عرض الصحيفه

معجب:

شفت الوجيه أَثنين وجهي كريه وجه محبوب

والله لا يخلف نواياك يا النفـس الضعيفـه

عينك على الفنجال ابوهيل والفنجال مشروب

البحر له مد وجزر وان سقا سقـوه لسيفـه

شاهر:

نبغى ندرجها على الهون والا النفس يا دوب

الله يفكك من شقا الوقـت والدنيـا المخيفـه

فنجالها في صوب والا انت يا رجال في صوب

تحمد الله كان حصلـت لـك قطعـة رغيفـه

معجب:

يا قو باسك تبتسم للعرب والصدر مشبـوب

صدر الشمالى صار عقب السعه ناري وليفه

بكره يجيك العلم بالراس والا بيد منـدوب

والخاتمه يطوى كتابك مثل طوي القطيفـه

الموضوع الأصلي: محاوره بين الشاعرين / شاهر العنزي و معجب القحطاني بـــ قلطة الوطن | | الكاتب: بدر حيي | | المصدر: شبكة بني عبس

[ناصر الخياري]

لاهنت يابن حيي ...
نقل رائع صح لسان الشعار ..

[بدر حيي]

مشكور على مرورك اخوي ناصر الخياري