[أحمد عبيد الهنيدي]

لا تطول في كلامك و السوالف سرمدية =المريــض اللي سواتك صعب يلقاله مداوي
لا اطول في علومك ما تغير شي فيه =عارفٍ نفسي وعارف نيتك وين أنت ناوي
و الله اني عارفٍ اللي الي ولي عليه = ليش تتعب؟ هد نفسك في طريقك وين داوي
ادري ان الطيبة عندك مثل شكل الرديه =ادري ان الطيب عندك و الردى شي متساوي
ماني اللي ينجرف خلف اللحون السامرية = لاتظن00 ولاتحسب 000ولا تبعدك الهقاوي
البنآدم كل عمره بين حسنه وبين سيئه= في حياته يا سعيد يعيـــش ولا انه شقــــاوي
و النميمه ما هي عاده للرجال أهل الحمية= وأنت مثلك عن دروب أهل الوفا والخير غاوي
انت مثل اللي على راسه نقله نار حيه = ينكوي في جمرها المسكين قبل يصير كاوي
والله انك شايلٍ حملٍ مثل هضبة طميه= واشهد انك شلت حملٍ مانت اله قادر وقـــاوي
ماحسبت احساب يومٍ ما حدٍ ينفع خويه =يومـ فيه يشيب راس الــطفل من هول الــبلاوي
تدري انك متعبٍ نفسك على حاجه رديه = كــــــــل علـمٍ ينكـشف ماينفــــعه كـثر الغـــطـاوي

الموضوع الأصلي: رســـــــــالـــــــــة إلــــــــي كـــل نمــــــــام | | الكاتب: أحمد عبيد الهنيدي | | المصدر: شبكة بني عبس

[مشاري القصيم]

صح لسانك شاعرنا / أحمد البويدي
على هذه القصيده الجزله من شاعر جزل
وفقك الله
تحياتي

[برق الوسم]

شاعرنا احمد البويدي
صح لسانك واعتلا شانك
قصيده رائعه وجميله
ورساله اتمنى ان تصل الى اصحابها
تقبل مروري

[المميز]

صح اللسانك شاعرنا
قصده رائعه وجميله
تقبل مروووور اخوك المميز

[كاتب الرشيدي]

هلابك ( ياخالي .....

شاعر جزل صح لسانك ولاهنت



تحياتي

[الوافي99]

شاعرنا احمد البويدي
صح لسانك واعتلا شانك
قصيده رائعه وجميله
ورساله اتمنى ان تصل الى اصابها
تقبل مروري

[أحمد عبيد الهنيدي]

مشاري القصيم, المـمـيز, الوافي99, برق الوسم كاتب


اسعدني مرورك شكرا على المرور الطيب

[~:(دلال):~]

...صح لسآنكـ ...