[الهنوف]

.. أمـك تغازل من ورى أبـوك بالــدس ..

هذه القصه حصلت مع الشاعر مرير الحمادي
وهذا الشاعر في يوم من الايام سمع في
جهاز النداء (الكنود)

بنت تراسل الشباب وتغازل
وتضحك مع فلان وترد على فلان
والوضع ماشي عندها ولا كأنها مسويه شي أبد
وحاول يكلمها وينصحها ويعلمها بخطاها
وهي أبد سافهته ولا ترد عليه ولا كأنها تسمعه
المهم .. وهو يحاول ينصحها
سمع صوت بكا ورع صغير عندها وهي تحاول تسكته
فعرف شاعرنا إن المره هذي متزوجه
من صوتها اللي يوضح إنها ماهيب صغيره
ومن بكا ورعها
فحس بالقهر من اللي تسويه هالمره
وكتب هالأبيات ... في هذا الموقف اللي حصل معه :


يابنت قلبك يفعل العيب ما حـس
00000 وان ما هداه الله عسى الله يخسه

يكفي غزل للناس ياخاينـه بـس
00000 خلي حلالك قفـر لأحـد يعسـه

أبليس لك يابنت في الشر وسوس
00000 تعـوذي بالله لعـلـه يخـسـه

الستر له ثوب من العـز يلبـس
00000 وجسم الشرف ما كل رجل يجسه

عار ونار مذهب البنـت يلمـس
00000 وعرض المره ادناة شيء يهسـه

يابنت عرضك بالمجالس يدنـس
00000 حدر النصايب جعل ربعك تدسه

ولا جايك الا مثل ما قيل واخس
00000 واللي شرفها غالـي مـا نمسـه

ياورع ياللي عندها بان لك حـس
00000 قلبك على امك يوم خانتك نسـه

امك تغازل من ورى ابوك بالدس
00000 والله مـن رجـل تلـذذ بحسـه

قله تراخي الحبل يحتاج له مـس
00000 وعلم لأبوك الحبـل لازم يمسـه

ولا يشيـل العار لاعـاد يجلـس
00000 في وسط بيت عاش ما فيه هسه

قله يجوز عن النجس لا يتنجـس
00000 ثم يقلعـه ياليـن يقلـع مرسـه

ولا تلحقونه من حسايف ليا طس
00000 عسى العمى في نون عينه يطسه


وسلامتكم وتعيشون ،،،،

الموضوع الأصلي: امـك تغازل من ورى أبـوك بالــدس >> من قصص البادية (4) | | الكاتب: الهنوف | | المصدر: شبكة بني عبس

[ولد الجزيرة]

مـــــــــــشــــــكـــــووووووره والله يـــــعـــــطــــيـــــكـــــي الــــلــــف عـــــافـــــيـــه يـــــــا الـــــهــــــنــــــوفـــــــــ

[.فيصل الذيابي.]

مشكوره الاخت الهنوف على القصه
فهل اتعظت زوجته من هذه الابيات

[وشلون مغليك]

مشكوره بس اتمنى انها وصلتها الرساله (( القصيده )

[الهنوف]

ولد الجزيرة

الله يعافيك .. وتسلم على الحضور
دمت بخير
.
.
.

[الهنوف]

فيصل الذيابي

واتمنى ان يصل الهدف للجميع
أشكرك على الحضور العطر
.
.
.

[(ابوعواض)]

الف شكر انستينآ بهآ


لاهنتي

[سند الداموك]

هلابك أختي الهنوف قصه جميله وتأديب بأسلوب رائع من هذا الشاعر
أستمتعت جدا بالقصيده للأمانه وكذلك القصه
الهنوف أختي تحياتي لك