[بدر الحشية]

قصيدة قالها احد الشعراء في القبايل العربية وللاسف الشديد لا اعرف اسم الشاعر فمن لديه معلومات عن هذا الشاعر فل يزودنا بها

يالله ياخالق اراضين وابحار =الواحد المعبود رازق عبيده
الخالق الغفار علام الاسرار = وفرق شعوب الارض في كل يده
وابدي واسولف من عذيبات الاشعار = ابيات شعر والمعاني وكيده
اشري وابيع واعرف كيف بختار = واختار من جزل البيوت الفريده
وذ كرتراث وعز وامجاد وافخار = قبائل تومن بدين وعقيده
وصلت حضارتنا على سطح الاقمار = ابنا الجزير والجزيره مجيده
في ظل حكام لهم فعل واشوار = ال السعود اللي تفك الضهيده
نسل الزعيم الحاكم العادل البار= مجدد امجاد الجزيره بجيده
حتى اصبحت حره وحنا له انصار = في ظل اخو نوره هنوف سعيده
وصارت لابو تركي بطوله وتذكار = والفخر والامجاد تبقى شهيده
وخلف لنا املوك لهم فعل واخبار = الشعب واحد والقياده رشيده
والامن بانينه على ساس وجدار = وقرو على العابث عقوبه شديده
وحنا حماة الدار من كل غدار= وما همنا بطشه وخبثه وكيده
قبائل مالحقناهم اوعار = وعشنا بهذي الدار عيشه رغيده
والحمد لله نحمده سر واجهار = شعب تكاتف من سنين مديده
ودون الوطن جيش على كل معبار = لارفرف البيرق ونادى عقيده
بشرق البلاد وغربها دوم حضار = وارض الشمال اللي نفوده مديده
وارض الجنوب اللي تخيضر بالاشجار= جزيرة فيها القبايل عديده
ارض بها قحطان وافين الاشبار = وياعز منهم بالشدايد بسيده
واذكر عتيبه يوم للطيب مغوار = لا ثارت الهيجا وقرب ضديده
وشمر هل الطولات والجود مقدار= اهل الكرم واهل الفعول الحميده
والظفيري في المصاعيب جبار = والطيب والامداح باصله وطيده
وقوم اعنزه مروين الاخصام الامرار= اولاد وايل من عصور عهيده
ومطير قوم تكرم الضيف لا زرار = وياويل خصم في حراهم وعيده
واذكر قبيلة حرب يانعم الاخيار = وتاريخهم يحكي سطور مجيده
واذكر قبيلة يام والطيب يندار =اهل العلوم الوافيه والرشيده
ثم الدواسر تجعل الخصم منهار = عيال زايد عز منهم سنيده
ثم السهول اللي لها الطيب مدرار = وعن منهج العادات ماهي محيده
ثم اذكر العجمان حماية الجار = والمرجله والجاه فيهم عتيده
واذكر بني مره طويلين الاعمار = ما ينقد المري ولا له نقيده
ثم الهواجر لابة تقدح النار = اهل الركاب اللي خطاها بعيده
واذكر بني خالد قبيلة وامار = قوم لهم في المجد قول ورصيده
وبني تميم اللي لها الطيب مصدار = بني تميم وكل فعل تجيده
ثم الزعوب اللي بها الخصم يحتار = شجعان ماترضى سوا ماتريده
والعازمي وافي وفي الطيب بيطار = روحه على كل المصاعب صميده
ثم اذكر الاشراف بجلال واكبار = اهل الحجاز اللي تفك الزهيده
ثم الهذيلي له مواقف ومندار = راعي الفخر راعي العلوم السديده
ثم البقوم اللي لهم جيش وامهار= ريف الضيوف ليا لفاهم وليده
واذكر ثقيف اللي لهم مجد وآثار = ومهما حسبنا من كلام نعيده
وبلحارث اهل العز بشهود واقرار = ا لحارثي ياطيب فعله وجيده
والمالكي معروف لا صار ما صار= في موقف اهل الطيب يبذل جهيده
واثني تحياتي عدد وبل الامطار = على سليم وكل خصم تكيده
واذكر جهينه هل مواقيف وادوار = تلقى الجهيني راسم الطيب بيده
واذكر بلي والمجدله فعل واظهار = وتاريخهم يحكي فعول فريده
وبني عطيه في المواجيب حضار = قوم بوقت الجد قوم عنيده
ثم الحويطي والكرامه له اشعار = ثم الشراري له فعول مفيده
ثم الرشيدي في الصعيبات صبار = على علوم الطيب فعله يزيده
وباقي جنوب الدار والقاف مادار= باقي على قلبي كلام واشيده
زهران نعم القوم في وقت الاضرار = والخصم عينه من لقاها سهيده
والغامدي معروف له عزم واصرار = راعي المراجل والعلوم المفيده
وشمران قوم والجمايل لها اطوار = وبلقرن سم للقلوب النكيده
والاكلبي والمحلفي مابعد بار= والحارثي طيبه وفعله يشيده
وبني شهر وبني عمر سيف بتار = قوم على الاخصام نار وقيده
والاسمري والاحمري صيتهم سار= بين القبايل والمواقف شهيده
واذكر عسير الهول ذربين الاذكار = وابها احتموها فالسنين الشديده
وادهم والصيعر على حد الاقطار = يحمون حد الدار من اللي يريده
وامشي مع الساحل مع جمله افكار= رسمتها والطير زان اتغريده
وانزل على جيزان تاريخ واديار = ورجال فيفا والقبايل عديده
وارجوا العذر واهل المواجيب عذار= الي نسيته مانذكر في القصيده
الواهبي عدد ابيوته بالادوار = من شاعر ماشل قلبه حقيده
شهران ربعي هم هل المدح والكار = واهل الكند واهل السيوف الجديده
يوم البلد مايامن الزند لاثار= زيزومنا ابن مشيط نعم الوليده
فالجهل شجعان وفي السلم تجار = من بطن بيشه للتهم لارفيده
حبيت ابين موقفي بين شعار= وارجوا سموحتكم على ذا النشيده
ماحب انافق واتعنصر تعنصار = ولا ني باطيع اهل العقول البليده
ما كل من طب البحر قيل بحار = وما كل من شل الفشق جاب صيده
فالشعر بستان به ورد وازهار =واللي تعداها بيوته فقيده
واقولها في الشعر تكرار وامرار= ضرف بلا عنوان يلغى بريده
وبعض السوالف له مواقف ومحضار= وشعر بلا معنى لزوم نبيده
وصلوا على المرسول شفاع الابرار= محمد الهادي وقدوة عبيده

الموضوع الأصلي: قصيدة في قبايل العربية | | الكاتب: بدر الحشية | | المصدر: شبكة بني عبس

[ابواثنين]

اشكرك كل الشكر
اخوي
بـــدر الــحــشــيه
علي هالقصيده
الممتازه
تقبل تحيات
اخيك
ابواثنين

[صادق الوعد]

مشكور بدر الحشية على نقل القصيده الرائعه

الله يعطيك العافيه

[ابوصالح]

وعليكم السلام ورحمة الله وبركاته

الف شكر خوي بدر الحشيه على نقل القصيده
اما صاحب القصيده شهراني مثل ماهو موضح في هذ البيت

شهران ربعي هم هل المـدح والكـار
واهل الكند واهـل السيـوف الجديـده

ونعم فيه وبربعه وصح السانك يابدر

[أنكسارحلم]

مشكور بدر الحشية على نقل القصيده الرائعه

الله يعطيك العافيه

[بدر الحشية]

اسعدني وشرفني مروركم الجميل
تمنياتي للجميع بالتوفيق

[بدر الحشية]

اسعدني وشرفني مروركم الجميل
تمنياتي للجميع بالتوفيق

[@كحيلان@]

مشكورأخوي على النقل