[سويلم مناحي]

السلام عليكم ورحمة الله وبركاته

مبروك عليكم الشهر الكريم
0
0
بيض الله وجه من ساعة الكربه يـبـين
لا تمايــل نص جسمي رقابه وسنده
0
0
وقلط أكبر هم عندي على سمن وسمين
وكثر الترحيب وأرخى سحابه وبرده
0
0
وعل ودانه على بورت الجرح الدفين
بالخفوق اللي تنصاه وبشر بسعده
0
0
يوم جيته قلت يا سيدي جرد السنين
شيبت روس المطانيــخ والدرب جرده
0
0
جيتها منا ومنيه ويسار ويمــــــــين
ووقفت وقفة شجاعن يبي ثار ولده
0
0
وضاعت الحيلات عندي وانا رجلً فطين
بس وقتي كل ما حل لي حبل عقده
0
0
ولا بقا لي غير فزعتك بعد الله معين
يا ذرى أطيب من همومه على النوم حسده
0
0
وأنتهض راع الوفا وأعتزا بالاوليـــن
ومن سطر رأسه تـقطع على الوجه زبده
0
0
وقال وضعك منتهـي بأذن رب العالمين
وش نبا بالطيب كان أن مثلك ما وجده
0
0
وقلت له يا كبرها قال بالله مستعين
وحط يدي في يده جعلها تسلم يده
0
0
وشال حملي وحذفه من وراء الدرع الحصين
وأتجه لله وهلل وكبر وحمـــــــــده
0
0
وقبل لا تقولون هو مين ولا ولد مين
بنظري ما جابن البيض قبله وبعده
0
0
وأحرف أسمه كلمه نقولها للفايزين
وأخر أسمه ستت أحرف على وزن بلده

الموضوع الأصلي: ما جابن البيض قبله وبعده | | الكاتب: سويلم مناحي | | المصدر: شبكة بني عبس

[برد ودفأ]

صح لسانك...

الممدوح يستاهل ...كل خير
وأحرف أسمه كلمه نقولها للفايزين....مبارك
وأخر أسمه ستت أحرف على وزن بلده.....الدويلة

...

[برق الوسم]

شاعرنا سويلم مناحي
كل عام وانت بخير
وصح لسانك ملايين .. قصيده جزله
..والشيخ مبارك الدويله كفو.. والطيب ماهوب غريب عليه ..يستاهل المدح..
وانت تستاهل الطيب.
تقبل مروري وتقديري

[مظلوم بالحريه]

مشكور يابو مناحي على هذه القصيده وبيض الله وجهك والممدوح يستاهل

[بركه الداموكي]

بسم الله الرحمن الرحيم

صح لسانك يابو مناحي قصيده جزله من شاعر جزل

[سعد بن عادي]

كل عام وانت بخير يا أبو خالد ومبارك عليك الشهر

وأشكرك من الاعماق على رساله التهنيه بقرب حلول شهر رمضان المبارك .

والقصيده شامخه وشاعرها شامخ واللي مواجه له يستاهل ويكفي أن وقف وقفه رجال .

وأعتقد أنه مبارك الدويله ويحري بها أبو معاذ عز الله .

وصح لسانك والله يا أبو خالد



ودمتم كما تحبون

[العبسي الغامض]

0
بيض الله وجه من ساعة الكربه يـبـين
لا تمايــل نص جسمي رقابه وسنده
0
0
وقلط أكبر هم عندي على سمن وسمين
وكثر الترحيب وأرخى سحابه وبرده
0
0
اعجبتني هذه الابياااااات
بيض الله وجهكــ ((يابوخاااالد))

وانت شامخ وشاعريتكــ فذه

ومتالق بقوه ..ويعجبني فخركــ ..
بمن هم اهلاً للمدح...
يستاهل ((مباركــ الدويله))

ويسلم لسانكــ يابو خالد ودام عطاءكــ

ووفاءكــ ونهجكــعلى هذه الابيات..
وبيض الله على هذا الشعر الجزل

من رجل جزل....

[الغريب*]

اقتباس من مشاركة سويلم مناحي السلام عليكم ورحمة الله وبركاته مبروك عليكم الشهر الكريم 0 0 بيض الله وجه من ساعة الكربه يـبـين لا تمايــل نص جسمي رقابه وسنده 0 0 وقلط أكبر هم عندي على سمن وسمين وكثر الترحيب وأرخى سحابه وبرده 0 0 وعل ودانه على بورت الجرح الدفين بالخفوق اللي تنصاه وبشر بسعده 0 0 يوم جيته قلت يا سيدي جرد السنين شيبت روس المطانيــخ والدرب جرده 0 0 جيتها منا ومنيه ويسار ويمــــــــين ووقفت وقفة شجاعن يبي ثار ولده 0 0 وضاعت الحيلات عندي وانا رجلً فطين بس وقتي كل ما حل لي حبل عقده 0 0 ولا بقا لي غير فزعتك بعد الله معين يا ذرى أطيب من همومه على النوم حسده 0 0 وأنتهض راع الوفا وأعتزا بالاوليـــن ومن سطر رأسه تـقطع على الوجه زبده 0 0 وقال وضعك منتهـي بأذن رب العالمين وش نبا بالطيب كان أن مثلك ما وجده 0 0 وقلت له يا كبرها قال بالله مستعين وحط يدي في يده جعلها تسلم يده 0 0 وشال حملي وحذفه من وراء الدرع الحصين وأتجه لله وهلل وكبر وحمـــــــــده 0 0 وقبل لا تقولون هو مين ولا ولد مين بنظري ما جابن البيض قبله وبعده 0 0 وأحرف أسمه كلمه نقولها للفايزين وأخر أسمه ستت أحرف على وزن بلده

صح لسااانك يابو مناحي على هذه القصيده وبيض الله وجهك والممدوح يستاهل