[نجا الرشيدي]

السلام عليكم ورحمة الله وبركاته

هذه قصيده أسندها علي الشاعر مسلم الحمد

سـلام يـاللـي حـبكــم مـنـصحـلــه = مـادام تطــرقـني ذوار الهـبـوبـي
سلامن احلى من حليب المجله = والـذ من نقـع السحـاب العـذوبي
اخـص ابوفيصل خـوين مـامـلـه = اللي على عسـر الليالي رحـوبـي
نجـاعشـيره بالوفـاء صـاحيلـه = لياشح بالرفـقه عـريض الجنوبي
يالهاتـف المـرسـول سيروقـله = عبرالفضـا لنـك علي محسـوبـي
واشرح له اسرارن بقلبي محله = لوتشتكي صم الرواسي تذوبي
ليته معي في برج قرية عــطـاالله = راس الطويل اللي براده اعجوبي
اللـي هـمـاليل السحــــايب تعــلــه = امـاتجـيـه اعـصـيـرولاغـــروبـي
بـالطـايــف اللـي كل حـيـن يــــدلــه = مدهال مالمت جميع الشعوبي
لياصار في جنبي برا السقم كلـه = رايه يوافـقـني وصوبه بصوبـي
وسـوالفــن مع مـثـلـكـم مـستهله = على النقا ماهي علوم الكذوبي
نجـا دروب المـرجـله عـادتـلـه = اللي على مدات جوده ينـوبـي
عسى الليالي بالبقـايمهـلـله = فـي جـاه من يغـفر جميع الـذنـوبـي
وخـتـامهـا يــاغـافــرن كــل زلــه = نجمع بشملي مع جميع محبوبي

وهذا ردي عليه

اهلا بخطـن بالظـمـايـرمحـلــه = عـداد مـاتـذري شـمـال وجنـوبـي
قـلـبـي لبوبـداي حضـرسجـلـه = مـافـيـه غـيـري بالنيـابه يـنـوبـي
مسلم ذعــاذيع الهـوا جـايـزلـه = يجـيه ذعـذاع الهــوا كل صـوبـي
عـسـى ردي المرجـلـه فـدوتـله = يفـداه رجـلـن بالمـراجـل هيـوبـي
سيفـن مجرب بالمواجيب سله = معـذين عن شـايـبات العـيـوبـي
وافـي وكلن بالوفـاء شـاهـدله = وخصيم عـدواني لياعـذربـوبـي
الجود سلمه والوفـاء مـردفـله = لوصارفي بعض الليالي صعوبي
لي الفخرلياصارت انا صاحبله = صحبت وفـاء ماهي بصحبت لعوبي
لياصارهومخلص وانا مخلصله = مـالـي ومـال منفخـيـن الـذروبــي
يـاطـارشـي وصل جـوابـي و قـله = انا بعـالي نجـد سهـل الـدروبي
انـابـوسط الفـرس لامال ظـلـه = يطـرق نسانيس البـرادين ثـوبـي
على حليب نياق وضحــن ودلـه = وســوالفـن مع طيـبـين السلوبـي
اهـل الكـرم واهـل البيوت المظله = لياجـيت وسط بـيوتهم رحبوبـي
ربعـن حشــام ومادخـلتهم مذله = لياثارت الهيجـا وشبت شبوبــي
يفخـرصبـيـن مثـلهـم عـزوتـله = واناانتخي في لابتـن ينـتخـوبـي

وسلامتكم

الموضوع الأصلي: ( راس الطويل ) مسلم الحمد و نجا الرشيدي | | الكاتب: نجا الرشيدي | | المصدر: شبكة بني عبس

[المواعيدالقديمه]

صح لسااانك يانجا وشكراا على النقل ...

[مروان الرشيدي]

صوت رررائع


وصدى ارررووع



صح السااانك مدد بلا عدد
"
"
"
تحياتي

[كاتب الرشيدي]

صح لسان الشاعرين




تقبل مروري



تحياتي

[بدر بن محمد]

صح لسااانك يانجا وشكراا على النقل ...

[نجا الرشيدي]

المواعيد القديمه يشرف مرورك لاهنت

[برق الوسم]

صح لسان الشاعر الشاعر مسلم الحمد وبيض الله وجهه
وصح لسانك يانجا الرشيدي وبيض الله وجهك
صوت وصدي وصدى بقووة صوت
تقبل خالص الود والتقدير

[ذيبان الرشيدي]

صح الله لساانك وبوحك
وصح الله الساان صاجبك

دُرر ماكتبتموه وابدعتموه

أنت
وصاحبك

بوركت اخي
ودُمتَ
سليماً و مُعافى