[ريم الرشيديHR]

السلام عليكم ورحمه الله وبركاتة
اهديكم هذي القصيدة التي هزت كياني
وانا بصراحة من عشاق الشعر
فعلآلآلآلآلآلآلآلآلآلآلآلآلآلآلآلآ

اصعب سؤؤؤؤؤؤؤؤؤؤؤؤؤؤؤؤؤؤؤؤؤؤؤال
تدرى ان ( اصعب سؤال ) اللي يجي رده ( سؤال )..

--------------------------------------------------------------------------------
اترككم مع القصيدة

وهذي كلمات القصيدهـ


( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى (بقولة) تعال
لجل اتجاهل رجفة حروفي اليامني حكيت ..

الحال في بعدك قسم بالله ما (اسميه) حال
انوي على الضحكه واحس كلي خطا لاني نويت ؟!

اتصور انك من رحلت اشوفك (لجسمي) ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي (مليون) جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا (جالك) مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..

تعبت اعيش الدور وافتح (للمعاذير) الخيال
واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن (قلبي) لا يزال
يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي (اصدق) مثال
للحب واحساس القصيد ان عانق الليل وسريت ..

ربي يصبرني على الفرقا مدام (الحظ) مال
وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )


للشاعر \
محمد جار الله السهلي ))

الموضوع الأصلي: اصعب سؤال ) اللي يجي رده ( سؤال ) | | الكاتب: ريم الرشيديHR | | المصدر: شبكة بني عبس

[مفلح الخضيري]

اختيار موفق وجميل


تحياتي لك ومزيد من الجديد

[ريم الرشيديHR]

اسعدني مرورك المعطر
ومشكور يالغالي

[مقبول الرشيدي]

اختيار موفق وجميل
;) ;) ;)

تحياتي لك ومزيد من الجديد

[ابواثنين]

ريم الرشيدي فعلا انتي متذوقه للشعر
اختيار جميل ورائع
قصيده تستحق النقل

[حمودالسلهود]

عطني عهد وعطيك كل المواثيق *** عطني غلا وعطيك كل الموده

عطني حنانك والوفى دون تفريق *** وكسب غلا روح لروحك موده

روحاً صفت لك وخلصتلك دون تبريق *** تتبع رضاك ومن يودك توده

عمري بلا لقياك ماله توافيق *** ويمن يمر بدونكم مانعده

وشكراً لقائل هذه الابيات
خالد فيصل السبيعي

ريم الرشيدي

يعطيك العافيه ع القصيده

تحيتي لكِ

[ريم الرشيديHR]

اسعدني مروركم
اخوي\مقبول الرشيدي
اخوي \حمود السهلود
اخوي\ابو اثنين
اخوي\مفلح الخضيري
تشرفت صفحتي بمروركم العطر