[الروقي العتيبي]

أخواني أبناء هذا المنتدى بني عبس
مساكم الله بالخير وكوني ضيف علاكم وافتخر ولي الشرف بوجودي هنا
بالحقيقه دخلت جميع منتديات القبائل الأخرى
وذلك ابحث عن محاورة جرت بين صياف وحبيب عام 1414
واتمنى ان اجدها عندكم سواء كتابيه او صوتيه والله ماخليت منتدى ماجيته ودورت المحاورة هذي ولم اجدها
وهذا بيت لصياف يقول:

وش يقول العازمي والسحيمي وزملاه
كان ماقامت عتيبه معي وقفرها

الموضوع الأصلي: عتيبي بمنتدى بني عبس | | الكاتب: الروقي العتيبي | | المصدر: شبكة بني عبس

[سالم الرشيدي]

حياااك الله وابرك الساعاات توااجدكـ بينا

ولنا الشرف طال عمركـ

وان شاء الله تجد مايسركـ

[سعد الرشيدي]

حياك الله واهلا وسهلا بك

ولو كتيت موضوعك بمنتدى المحاورة افضل

حتى يطلع عليه الكثير من عشاق المحاورة ويفيدونك

ونتمنى ان تجد ماتبحث عنه

تحياتي

[سالم الرشيدي]

عنده موضوع هناكـ

[(*العرعري*)]

هلا ومرحبا فيك يالروقي وحياك الله
والمحاورة اللي طلبتها موجوده لدي بالصوت والصورة
أدري انك ماحصلتها بكل المنتديات هههههههه
لكن ابشر راح اكتبها لك كتابيه وأذ بغيتها صوتيه انشالله بعد يومين انزلها لك
انتظرني اقل من نص ساعه وابشر
ولتصحيح البيت:
صياف
وش يقول العازمي فالسحيمي فزملاه
كان ماقامت عتيبه معي وفقرها

[سالم الرشيدي]

اقتباس من مشاركة (*العرعري*) هلا ومرحبا فيك يالروقي وحياك الله والمحاورة اللي طلبتها موجوده لدي بالصوت والصورة أدري انك ماحصلتها بكل المنتديات هههههههه لكن ابشر راح اكتبها لك كتابيه وأذ بغيتها صوتيه انشالله بعد يومين انزلها لك انتظرني اقل من نص ساعه وابشر ولتصحيح البيت: صياف وش يقول العازمي فالسحيمي فزملاه كان ماقامت عتيبه معي وفقرها

والله اني قلت مايجيبها الا العرعري

وبيض الله وجهكـ

وحياك الله مره ثانيه ياالروقي

[الروقي العتيبي]

الله يوفقك ويطولي بعمرك ويستر علاك وين مارحت
اشهد بالله ان لي سنه وتسع اشهر وانا ادورها بجميع مكاتب المحاورة والمنتديات ولاحصلتها
تكفى نزلها كتابيه وبعد بكره نزلها صوتيه

اشكرك كل الشكر يالعرعري واشكرك ياسالم الرشيدي
وبيض الله وجيهكم

[(*العرعري*)]

حبيب
كل شاعر يدخل الملعبه ينفض عصاه
والعصى ماتوجد الا على من شجرها
يالحروب ياللي على الدرب ترمون الحصاه
الحصاه اللي رميتوبها وش كبرها
صياف
زهب البندق ليا جيت ميدان الرماه
وانتبه من عودها وانتبه من شجرها
الحروب يفسرون الكتابه والقراه
كبر عيونك وشوف الكتابه وأقرها
حبيب
جيت ابرمي راس ابوزيد مير الله رماه
وسط بير فوق خمسين عام حفرها
وش تسوي بالقلم كان ماوصل دواه
جفت الاقلام قبل ينشف حبرها
صياف
خل أخو مره يسمي ويقرب من عشاه
يالبخوت الصابره لاتضيع صبرها
كبروا راس الذبيحه ولاهو راس شاه
وش نسوي لوشحمها يعادل هبرها
حبيب
الضعيف ابكي منه والقوي ابكي علاه
والسنين المقبله كلها ياقصرها
ادري انا كلنا نعرف البير وغطاه
والذبيحه بطنها لاصقن بظهرها
صياف
حط بشتك فوق راسك لايقك عباه
السنين المقبله كيف تامن غدرها
كل مجنون ليا شافنا يزحف وراه
والشيطان الكبار اقطع الله ذكرها
حبيب
لاتشيل القنبله معك في كم العباه
ثم تثور القنبله فوق وانت حدرها
الشياطين الكبيره لياجات الصلاه
تنحشربالزوايه قبل ياتي حشرها
صياف
كان شلت القنبله قول يالله النجاه
والله اني لاردع اهل الكفرعن كفرها
وش يقول العازمي فالسحيمي وزملاه
كان ماقامت عتيبه معي وفقرها
حبيب
لولقيت مقيط مدفون وين القى رشاه
من يدور له ذهيب تخفى وزرها
السحيمي عود طاحت سنونه من جماه
وزملاه من الكبر دوب شوش فكرها
صياف
اطلعوا عشرين رجال من بطن الفتاه
واثرك آخر ورع وانا احسبنك ذكرها
من يغير نيته وعذابه وعناه
مادرى بالسالفه لين غلق حثرها
حبيب
طلعوا عشرين والكل عالي مستواه
وانت امك فكرها وانت اخر ذكرها
كل واحد دون حلقه يقدم لك يداه
مير ياصياف ثوب الفضيحه سترها
صياف
الغليم برطمه زين ولسانه لواه
وانت كتبها ينحذف قبل يعرف قدرها
لويحمل تمر بيشه ماجاب اللي نواه
يوم شاف التمر الاشقر غلط في سدره
حبيب
مايتوب مسيلمه قبل مايلعن ثواه
كل ماشاف النصيبه يقبل قبرها
صياف
كل نصراني لياشافنا ربي هداه
ياعتيبي روح مع حرب واخضع لامرها
الصديق اللي من اول نزل عن مستواه
رافقته ام الكباير وقلد فكرها
حبيب
حرب جتهم مسفره ماشيه تبغى الزكاه
ثم مشتها عسى الله يطول عمرها
صاحبك مايهدم الجدر بعد انه بناه
صب سياسن البنايه وطول جدرها
صياف
مسفره تبغى تدور على راس القناه
وانت صرت وليدها ومسحتك بسحرها

وهذي المحاورة كتابيه وانشالله راح انزلها صوتيه بعد يومين بأذن الله