[صادق الوعد]

ها هو( الزعيم ) مساعد الرشيدي الشمس الشعرية التي لا تعرف الغياب , والمبدع الذي لا يمله الابداع

مساعد المطر بكامل شفافتيه والشعر في احلى تفاصيله ....

مساعد .....الزعيم

مساعد الكبير الذي يبرهن لنا على أنه شاعر كل المراحل الجميله حينما يكتب مساعد تتفجر
كل أبجديات الكلام العذب , شاعر تنتظره جماهيره العريضه

المناسبه......... زيارة أمير المدينه المنوره صاحب السمو الملكي ألامير عبد العزيز أل سعود (( الثمد )) وكان باستقباله الشيخ فارس بن سرور بن سمره الذيابي الرشيدي

صلاة الله على أحمد عد تسبيح الفروض الخمس= وسلام الله لعبدالله ودار تسكن القره
ذعاذيع النسايم من فرحها كنها في عرس= وصيروف القوافي ينظم الدره ورى الدره
يجي لشعر حزه ويتعلا للقصايد حس= قلوب يزيدها بهجه وبعض قلوب محتره
طلع بدره علينا واشرقت له بالضماير شمس= لفا عبدالعزيز وبان له بقلوبنا جره
سمى العز وابن المجد مزبان الضعيف العمس= يشرف دارنا وديارنا فرحه ومستره
سمي العز وابن المجد زيزوم النهار الشرس= الا لله دره ثم در المجد ثم دره
هلا يا مضرب أمثال المكارم في مضارب عبس= مواكير الحرار اللي مداها من ورا الحره
من اول هدتك تمدح فعولك يالعسير الضبس= يازين الهده اللي بأولها تبرد الحره
هلا ياقريب الفزعه هلا بك يابعيد الرمس= هلا بك بين ربع لك على الحلوات والمره
أهل خوه وأهل نخوه وأهل شيمه وغزة نفس= وأهل مجد لبس ثوب البياض ونسى مازره
على أطراف (الثمد) ربي جمعنا بالنهار الونس= على وضح النقا والدار ممطوره ومخضره
سعوديين لا مسنا مفايع الكواكب لمس= وطنا قبلة الدنيا وتاج العز والغره
سعوديين قرينا وعلمنا الليالي الدرس= وخطينا سطور المجد في بحره وفي بره
سعوديين ماخذنا الرياده بالحكي والهلس= تعدا قرن ماخنا مبادينا ولا مره
روينا من مباهيل المفاخر لين قلنا بس= عليها الدور تروينا مفاخرنا وهي حره
وحنا اليوم ولباكر وحفاظ العهود من أمس= نجدد رحلة العز التليد ونرجع الكره
ولا يمكن تفرق صفنا حيلة خدوع ونمس= نشوف الموت من شان الوطن بالدرب ونمره
عليه الله أكبر كل شيطان مريد ونجس= عليه الله أكبر لين حتى ينطفي شره
ويدوم لنا الوطن سالم وعين الله تحرسه حرس= وحنا رهن اشارة قايد الأمه وتحت أمره
وصلاة الله على أحمد عد تسبيح الفروض الخمس= وسلام الله لعبدالله ودار تسكن القره

الموضوع الأصلي: قصيدة ؟؟؟؟ مساعد الرشيدي ؟؟؟؟؟ على أطراف الثمد | | الكاتب: صادق الوعد | | المصدر: شبكة بني عبس

[فيصل الرشيدي]

صادق الوعد


الف الف الف شكر على نقلك لهذه الرائعة


ولا هنت يالغالي

[صادق الوعد]

هلاااااا وغلاااااااااااا

سيف عنتر اشكرك على المرور لك كل احترامي

[صادق الوعد]

هلاااااا وغلاااااااااااا

سيف عنتر اشكرك على المرور لك كل احترامي

[بدر الحشية]

الف الف شكر على النقل وقبل هذا كله على الاختيار الرائع
تحياتي لك

[الاجهر]

قصدية تاريخية

لشاعرنا / مساعد الرشيدي

تحياتنا لشاعرنا

وتحية خاصة لك

[صادق الوعد]

اقتباس من مشاركة بدر الحشية الف الف شكر على النقل وقبل هذا كله على الاختيار الرائع تحياتي لك

الاخ ... بدر مشكور على المرور

[صادق الوعد]

اقتباس من مشاركة الاجهر قصدية تاريخية لشاعرنا / مساعد الرشيدي تحياتنا لشاعرنا وتحية خاصة لك

اخوي ,,,,,,,, الاجهر اشكرك على المرور