[عبدالله الراشد]

يانو ..خلك بالسما،هذا مقامك ؟؟ فووق بـس
آلاف من وبلك غرق .. وانا علي ارضي واحتري

لاقنعت نفسي بالحياه ، ولا قـدرت آخـذ نفـس
كني مهدد بالسكوت .. ان قلت : قلت : بدفتـري

حفظت ما وجهي ..علي وجهي؟ وطرفي مانعـس
وصلت حدك وألتفت، وشفتـك وجبـت اخـري

وانا لاشفت، ولا سمعـت ودايـم احلـم بالونـس
ويامحزمي غيرك حرام ، وعيب لو شد اظهـري

وياصاحبي ؟؟ وش سالفة قلبي معك؟؟ دايم حدس
واخر متاهات الحدس.. صف الدمـوع بناظـري

اقراك ياكف اليمين( بخمن ) والشـوف اخـرس
واحكي بليا صوت..واتمتـم مـن شفـاه ثغـري

قل للزمن ياقف معي وقفة رجـل .. ولاّ يحـس
ولاتضيق احلا زوايا العمـر واصغـر بنظـري

لاذت علي عين اللعين اللوذه.. ان جيته ..نكـس
كنه يجربني قبل غيـري .. وهـو منـي بـري

خذيت غفواتي حلا.. والوقت اخذني لـه جـرس
ولبست بشتي .. وألتفت.. ولا لقيـت الا الزري *

والشعر يحضني بكفه .. ثـم يكتبنـي .. وأنـسّ
والقي وجودي يابري حالي مـن وجـودي بـري

اشوف زود الما ..ولا اذوقة.. ولو ريقـي يبـس
واموت من غيضي، وانا ساكت واموت من اقهري

البارحة كان القصيد البشـت .. وةاليـوم انلبـس
البارحة عيني . . وقبل البارحـة كـان اسهـري

حسبت وش باقي علي.. ولـي.. واتامـل بيـأس
انجت تجي من ربنا وان راحت ارضي بقـدري

صابر وفتاح الفرج..كل يوم مفروض انه امـس
واللي ماهو معقول كله؟؟ كـان ماجبـت خبـري

لامن تذكرت القصيد ورغبتي .. من وقتها انـس
طبعي مثل ربعي (بدو) والشعر بوجـودك ثـري

الذودبالصيف اتهدر ..وشعيل بجنونـه ضـرس
وشعيل انا .. فكوا رسن وجهي ..(وابمعط بوبري)

ليت الغصون التسع والشجره ..وليت النور شمس
ليت الحياه اجمل من احلامي وغصني وشجـري

اربع جهاتي بالقصيد ان مر ّجرح..تصير خمـس
وشوي مني؟؟ لو كتبت الشعر من بعض اكثـري

يانو..اخيل اعلا سماك وبارضك يطيـر العمـس
واكتب علي القاع، بغصن ، يانو..؟؟ مايتهم بري

والساعة اللي في يميني لو تعـدّ؟ تعـد ..عكـس
والوقت ماكنت احسبه واثريـه يكسـر خاطـري

عشت العمر ماني علي عمري وخطواتي هـوس
والعمر ياخذني علي مهله..وانـا اخذتـه جـري

دمعي بعيني مرتكـي.. لكـن نبضـي مايجـس
وجيت بقصيدي مير ماشفتك برغم انـي جـري

ويانو.. كيف ادس شوفي عنك والقا لـي مـدس
لو امشي؟؟ اتعب؟ وانت لو ضيعتني قص آثـري






وللغياب مايشبة الحضور




القصيدة كما ذكرت لاتقبل اي نقد

الموضوع الأصلي: هذة القصيدة غير خاضعه للنقد .... للقراء فقط .. | | الكاتب: عبدالله الراشد | | المصدر: شبكة بني عبس

[هداج]

عبد الله الراشد

الله يعطيك العافيه

تقبل مروري

بدون نقد

[عبدالله الراشد]

الف شكر




من يقاوم كرم هداج



بماءك

طهرت قلبي وقام باكمالة فروضة علي الشعر



شكرا من القلب


هداج



نقدك يجوز لي

الف غيمة

ياخلف جدي

[ابواثنين]

صح اللسانك اخي عبدالله الراشد
قصيده جزله من شاعر جزل

[عبدالرحمن عديهان]

وش ننقد اصلاً

قصيده بقمه الروعه.....


اقراك ياكف اليمين( بخمن ) والشـوف اخـرس
واحكي بليا صوت..واتمتـم مـن شفـاه ثغـري

قل للزمن ياقف معي وقفة رجـل .. ولاّ يحـس
ولاتضيق احلا زوايا العمـر واصغـر بنظـري


اخوي عبدالله احترامي لك

تقبل تحياتي قبل مروري وبعد المرور


عبدالرحمن عديهان

[°°ΩاعــلامــيΩ°°]

قرأت وما نقدت

هذا المرور ويمكن اجيب الشرطه هههههه

صح لسانك

[العماري]

صح لسانك عبدالله

قصيدة جميلة ورائعة فالك طيب


اجيز القصيدة

[مهاجر بلا زاد]

عبد الله الراشد

الله يعطيك العافيه وصح للساانك

تقبل مروري

بدون نقد