[علي سعود]

أسعد الله وقاتكم بالخير والعافيه

لو الغلا الابطيـت يمحـاه ماحـي =أن كان حب اللي برى الحال ماحيه

محيت حبه والظميـر أستراحـي=ارتحت من همن على الله مشاكيـه

لاكـن حبـه للظميـر أستباحـي=الله يبيحـه كـل ماحـل طاريـه

له ذكرياتن بالمسـاء والصباحـي=مافيه صبح ايبين غير اذكره فيـه

وليا ذكرته صوبه الفكـر راحـي=ماجيه لكـن التمشـى أبحراويـه

أسج في ذكـراه والعقـل صاحـي=مثل الهبيـل اللـي خيالـه يسليـه

سفيه خايل له سناء بـرق لاحـي=في سجت التفكيـر حقـق أمانيـه

أستيسـره تفكيـر فجـن براحـي=برض الخيال يسج ويصفق أيديـه

مثل ماسج وداج ذيك النواحـي=سجيت سجاته عسـى الله يعافيـه

أسج في ذكرى بها القى أرتياحـي=ذكرى الجميل اللي برى حال غاليه

عليه وجدي وجد من قـام طاحـي=في موقف(ن) عنه تخـلا أبناخيـه

لا من فزوع ولابلايـدي سلاحـي=وطلابته كل(ن) يبى الثار لاخيـه

دافع وطاح وجر صوته وصاحـي=عزاه ماعنده عظيـد أنتخـا فيـه

هذا وجـودي ياهبـوب الرياحـي=هبي على جاشن كوى الهم راعيـه

همن بقى يعجز لايمحـاه ماحـي=حتى البطى يعجز مع الوقت يمحيه

الموضوع الأصلي: المصافحه الاولى مع ورد الصباح عطره الود والاحترام | | الكاتب: علي سعود | | المصدر: شبكة بني عبس

[عادل بن هون]

له ذكرياتن بالمساء والصباحـيمافيه صبح ايبين غير اذكره فيـه
وليا ذكرته صوبه الفكـر راحـيماجيه لكـن التمشـى أبحراويـه


الله على هالبيتين

صح لسانك

[الـدولار]

صح لسانك ولا هنت

[حــزام]

صح لسانك ياعلي سعود
عز الله انها قصيده محبوكه
صح لسانك ولاتبطي علينا
لاخلا ولاعدم

[علي سعود]

الشكر ولتقدير الكل من عطر هذه الصفحه

بمروره الكريم وروية حروفه

الكم خالص الود