[بدر الحشية]

قصيدة رائعة للشاعر المبدع/مساعد ربيع اتمنى ان تحوز على رضاكم

عذب السجايا وعوده بأول الكنـه=متى تزين السوالف وآخذ علومـه
وأسامحه عن خطات الجرح والونه=واعاتبه لو يصد شـوي والومـه
وأذكره بأول المسفار حتـى انـه=اليا تذكر زمان أول نسـى نومـه
يوم انه أقبل خدين الروح يومنـه=وأقبلت أراعيه والقومه هي القومه
من يومها والحشا ماعاد له خنـه=الا لصوته ..وميعاده ..وملزومـه
عفري هنف للضلوع وجا لهن حنّه=واستانستله فياض القلب ورجومه
لبا جبينه اليا ارتـج الغطـا كنـه=برق يصب الرفيف في كف ديمومه
ما قول شفته وشفت البيض يتلنه=اقول شفته وشفت الشمس منجومه
ماقول كنه الجديـل الليـل لكنـه=ليلن خرعه الظلام وضيّع نجومـه
يا قبلت الله هاك العنقود لي منـه=قام يتهجا شذى عطره ويشمومـه
فيه انتهى النور لاوالله بـدا منـه=فجرن نعس بالوريد ونام بهدومـه
وردن تفرعن حماره وقلت أبا كنه=اليا متى والحنايا منـه مفطومـه
فز وتطرّق رطيبه قلت مـا عنـه=بالم شيحه ..وريحانه ..وقيصومه
صد وتلعثم هديله في بـرد سنـه=يا قوم ذا النور يوم انكت يا قومه
الله عطانيـه والله يعطـي الجنـه=واليا ستجد الهوى كلن ومقسمومه

الموضوع الأصلي: الكنه لمساعد ربيع | | الكاتب: بدر الحشية | | المصدر: شبكة بني عبس

[أنكسارحلم]

بدر الحشيه


اشكرك جزيل الشكر على هذا النقل الجمبل

لقصائد العملاق مساعد الرشيدي


تحياتي

[جـــــروح بارده]

لاهنت يابدر على هذا النقل

تقديري لك

[صادق الوعد]

بدر الحشية

أشكرك جزيل الشكر على نقل القصيده الرائعه

وصح السان ........ الزعيم ابو فيصل

لك ,,,,, كل احترامي

[فيصل الرشيدي]

بدر الحشية


الله يعطيك الف عافية على نقل هذه القصيدة الاكثر من رائعة


لا هنت وتسلم يمينك

[عبدالعزيز الخياري]

لاهنت بدر الحشيه

على نقل قصيدة الشاعر الزعيم:

مساعد الرشيدي

وتقبل تحياتي

[المغرم اليائس]

نقل رائع كروعة تواجدك00

[شاعر الجن]

شكراً