[فلاح الرشيدي]

سلطان الهاجري

كان الاشراف عجزوا عن حمايه رغد = يـوم دار الزمـان وراح برجالهـا
علموها تجـي ولاتفكـر فـي احـد = في ذرى دولـه التوحيـد وابطالهـا
نـوري المالكـي لوقـام والا قعـد=ولوتحيزم باهل طهـران وامثالهـا
من نجادي وبشـار حافـظ الاسـد=جعله فداء رغـد صـدام وعيالهـا
بنت عود وقف بـن القبـر واللحـد=ماتزلـزل مـن الدنيـا وزلزلـهـا
يعربي علـي حـوض المنايـا ورد=لين وقف قدم رجلـه علـي جالهـا
يستثير البـروق ويستفـز الرعـد=رافع الراس والدنيـا علـي حالهـا
كنه يقول هالدنيـا مادامـت لاحـد =كود للـي مثّبـت الارض بجبالهـا


حسين الحبابي



من هجوس سرى طاروقها ياسعـد = ابتلتـنـي وفــال الله ولافالـهـا
ما اقدر احصى لها بين الضمائر عدد=تختلـف بيـن مقفاهـا ومقبالهـا
الجروح القديمه والجـروح الجـدد=صار تحت الضلوع العوج منزالهـا
حضرت ليله الميعـاد ليلـه الاحـد=ليلـه جـات والهاجـوس يبرالهـا
والسبب من بيوت سببت لـي نكـد=ذكرتنـي غثـاء الايـام واهوالهـا
هيضتني وانا ماكنت مهمـوم ابـد=غير جعله يصح لسان مـن قالهـا
ابن وسام هيضني وحـان الوعـد=شب نـار القصيـد وزود اشعالهـا
يوم غنا وانـا غنيـت مثلـه بعـد=من هجوس بقلبي فاحـت ادلالهـا
الليالي تدور وحبلهـا مـن مسـد=نفذت كـل مايطـري علـي بالهـا
الزمن بـار والكافـر علينـا حقـد=وبنـت صـدام مماصـار عزالهـا
يوم مال الزمان ويوم قـل الجهـد=يوم راحت الاسود وراحت اشبالهـا
افقدت قائد فـي الحـرب مايرتعـد=مع عـدي وقصـي وفقـد رجالهـا
لاجيه من بعد هيبه صقـور الهـدد=اتحـرى كتايـب بـوش تغتالـهـا
اليهود ارسلوا نـاس وراهـا طـرد=يوم دار الزمـان وبقيـت لحالهـا
خايفين يجـي بكـره عليهـا ولـد=ياخـذ الثـار للبصـره وماجالهـا
والعـراق استحلوهـا وكـل شهـد=والعرب ما أحد منهم تعـزوى لهـا
اصبح الشعب ماعنده زعيم وسنـد=حالة الـدار مماصـار يرثـى لهـا
هددونا ومن عانـد وخـان العهـد=شنق في مشنقـه صـدام وحبالهـا
قصةٍ يمكن تشيب بمن فـي المهـد=ماجرت لامـة الاسـلام وأجيالهـا
من يعوض العراق بفقده اللي فقـد=ومن يناصر رغد ويناصر أطفالهـا
بشروها ليا جـت عندنـا بالسعـد=تبشـر بشجـرةٍ ترتـاح بظلالهـا
نحتميها من امريكا برمـي الركـد=وتحتميها سيوف القـوم وسلالهـا
وان لقينـا كتايبهـم بحـزمٍ جلـد=صارت الرجل تاطا الروس بنعالهـا
في ذري دولتي وبلادي افضل بلـد=دوله العود ابومتعـب وحنـا لهـا
ليت صدام ذاك الوقت طـاوع فهـد=يوم بغـداد مهـره عنـد خيالهـا
يوم حذف القذائف مثل حذف البـرد=قبل غزو الكويـت وقبـل مدخالهـا
غير هي غلطه المقرود يوم انقـرد=دوله الشيخ جابـر مالـه ومالهـا
جابر اللي بعد تحريـر داره سجـد=ثم دعا من يجازي الناس بأعمالهـا
واحـدٍ رافـعٍ سبـع بليـا عـمـد=وقدرته مستحيل النـاس تحتالهـا
جل شانه جليل الملـك فـرد صمـد=هو معـز البشـر ومغيـر احولهـا

الموضوع الأصلي: سلطان الهاجري وحسين الحبابي ورغد صدام | | الكاتب: فلاح الرشيدي | | المصدر: شبكة بني عبس

[حب الغموض]

يديك الف عافيه نقل مميزمن انسان مميز
مشكوووووووووووووووووووووووووووووووووووووووووور

[مروان الرشيدي]

الله على ابن وسااام وحسين الحبابي


روعه وتسلم لنا اياديك على الاختيار المميز

فلاح طرح جدآ راقي الف شكر لك

"
"
"
تحياتي

[شداد المظيبري]

صح لسانه


ابيات رائعه


فلاح الفلاح
شكرا لك ع النقل

[فلاح الرشيدي]

اقتباس من مشاركة حب الغموض يديك الف عافيه نقل مميزمن انسان مميز مشكوووووووووووووووووووووووووووووووووووووووووور

الله يعافيك ومشكور على المرور والرد العطر
لك ودي وتقديري

[فلاح الرشيدي]

اقتباس من مشاركة مروان الرشيدي الله على ابن وسااام وحسين الحبابي روعه وتسلم لنا اياديك على الاختيار المميز فلاح طرح جدآ راقي الف شكر لك " " " تحياتي

هلا بك اخوي مروان يسلم راسك
ومشكور على المرور العطر
لك ودي وتقديري

[الغريبة]

قصايد ضحكتني..
اي رجوله ترجى من صدام ..؟

الى جهنم يا صدام الذليل...



البشرية شاهده على افعالك...


صدام انتهى من حيث ابتدى في مزبله التاريخ ...

[ابورغد المضيبري]

اقتباس من مشاركة الغريبة قصايد ضحكتني.. اي رجوله ترجى من صدام ..؟ الى جهنم يا صدام الذليل... البشرية شاهده على افعالك... صدام انتهى من حيث ابتدى في مزبله التاريخ ...

اتقي الله بنفسك يكفي انه عربي ومسلم اذكرو محاسن موتاكم كل بني ادم خطائئن
وشجاعته لايختليف عليها اثنان في الوطن العربي والاسلام لاكن هذا رايك الشخصي ارجو التفاعل مع الموضوع