[فهد العوضه]

بسم الله الرحمن الرحيم
السلام علكيم ورحمة وبركاته
أخواني أعضاء وزوار شبكة عبس
منتديات قبائل بني رشيد
أقدم إليكم محاورة الشاعرين
الشاعر المبدع / عايض بن جوهر والشاعر الكبير / بكر الحضرمي


الشاعر بكر الحضرمي

الشاعر عايض بن جوهر

يامرحبا اول كلامي ترحيبة مالها حدود= لكل رجل لحاله لكل رجل لحاله
الليله اللعب حامي لاصرت بالحفل موجود=لاكن بكر كيف حاله لاكن بكر كيف حاله

بكر الحضرمي

دام البقا بالكرامي في حلة الطيب والجود= كلاً نوفي كياله كلاً نوفي كياله
نمشي بسبل ونظامي مانخلط البيض بالسود= والبرق يرعد خياله والبرق يرعد خياله

عايض بن جوهر

الليله البرق شامي والكل دارلها حدود= هذي هي اول مساله هذي هي اول مساله
اليا لقينا الحرامي ناخذ عليه اربع شهود= ونحوله للعداله ونحوله لعداله

بكر

امسيت جايع وضامي مابين ساعد ومسعود =كلاً يميل عقاله كلاً يميل عقاله
اناسليمه عظامي واللى انت لك حبل معقود= ماحل عقدة حباله ماحل عقدة حباله

عايض

احسبه بدر التمامي لاكن له وقت مفقود =مشيه على قد حاله مشيه على قد حاله
ياصاحبي ماتلامي ويعاندك حظ مقرود =خلك بحي السباله خلك بحي السباله

بكر

ان كان تسمع كلامي الدرب قدام مقعود= كلاً يعبر رياله كلاً يعبر رياله

عايض

ياللي ذبحك الغرامي ان مت ماعنك منشود= بعير واثني عقاله بعير واثني عقاله
الله حسيب التهامي ناقد ولا هوب منقود=مافال الاجواد فاله مافال الاجوادفاله

بكر

منته رشيد الزلامي حاسد ولاانت محسود= كانه خذتك الضلاله كانه خذتك الضلاله
انت بخشمك عرامي مانته على الشر محدود=لاكن جتك الصماله لاكن جتك الصماله

عايض

مني عليك السلامي عساك ماتكسب الفود=خسران عمه وخاله خسران عمه وخاله
الموت داخل حزامي لاتشب نار وبارود= خلك في ظل السياله خلك في ظل السياله

بكر

العب بقصر الرهامي لاكن ماتكسب الزود= الله يعوض خواله الله يعوض خواله

اتمنى ان تنال اعجابكم / تحياتي

الموضوع الأصلي: محاوره ساخنه للشاعرين الكبيرين بكر الحضرمي وعايض بن جوهر | | الكاتب: فهد العوضه | | المصدر: شبكة بني عبس

[العالم الفلكي]

مشكور اخوي فهد على نقل محاورة الشاعر الكبير بكر الحضرمي مع شاعرنا / عايض بن جوهر
وصحة السنتهم

[الاجهر]

صح السان الشاعر الكبير بكر الحضرمي والشاعر عايض بن جوهر
لاهنت اخي فهد العوضة على النقل بيض الله وجهك

[عايض ابن جوهر]

مشكور اخى فهد على النقل لك التقدير والاحترام

ولاهى غريبه على مثلك وشرواك وبيض الله وجهك

وتقبل مرورى

[عايض ابن جوهر]

اقتباس من مشاركة الاجهر صح السان الشاعر الكبير بكر الحضرمي والشاعر عايض بن جوهر لاهنت اخي فهد العوضة على النقل بيض الله وجهك

صح بدنك يابوسعود
انت رجل لك وقفات مشرفه

[(*العرعري*)]

بيض الله وجهك يابن جوهر على هالمحاورة وكل الشكر لأبن عوضه على هالنقل

[عايض ابن جوهر]

اقتباس من مشاركة العالم الفلكي مشكور اخوي فهد على نقل محاورة الشاعر الكبير بكر الحضرمي مع شاعرنا / عايض بن جوهر وصحة السنتهم

صح بدنك يامشرفنا العالم الفلكى ولك الشكر والتقدير

[عايض ابن جوهر]

اقتباس من مشاركة (*العرعري*) بيض الله وجهك يابن جوهر على هالمحاورة وكل الشكر لأبن عوضه على هالنقل

وجهك ابيض ياالعرعرى انت رجل لك وقفات مع جميع

شعراء القبيله ولك منى الشكر والتقدير والى الامام يامشرفنا
الرايع