[عبدالرحمن هليل]

يالله ياعالم خفايا السريره
ياخالقن بالناس بيضن وسودي
تفرج لعينن من شقاها سهيره
عقب الهناء عافت لذيذ الرقودي
والقلب كنه فوق حام السعيره
وهموم بقعاء فيه حطن قيودي
قمت اتفكر بالحياه المريره
واعد صادرها واعد الورودي
دنيا بها العاقل يضيع مسيره
وآخر طوافه حط وسط اللحودي
دنيا تفرق بين خل وعشيره
بالبعد والفرقا مداها بعيدي
اكبر دليل اهل الوجيه السفيره
بيض النوايا موفيين العهودي
احمد ونشمي في شمال الجزيره
وعبدالرحيم بشرقها بالحدودي
جيران مير اليوم كلن بديره
كلن ورى طرد المعيشه يرودي
كلن على الآخر دموعه نثيره
يذكر زمان فات جعله يعودي

الموضوع الأصلي: قصيده في تفرق بعض الاصدقاء بسبب العمل | | الكاتب: عبدالرحمن هليل | | المصدر: شبكة بني عبس

[فلاح الرشيدي]

مشكور على القصيد ه الرائعه
لك ودي وتقديري

[عبدالرحمن هليل]

شكرآ لك انت على المرور

[بدرالرياض]

	مشكور يابو خالد وصح لسانكـ والله يقويكـ لاهنت قصيدة رائعة جداً. وهذه حال الدنياء تفرق ماتجمع الله يكفينى شرها .

[عبدالرحمن هليل]

مشكوررر على المرور

[حب الغموض]

يديك الف عافيه