[وشلون مغليك]

حنا بني رشيد اليا قلت مباديك

سلام من صميم القلب بهديك
معطر بعود المسك ومخلوط بالكادي

يامرحبا ياصاحبي وأول مبدى بهنيك
زاد الخفر وزداد صفق الايادي

ياصاحبي ماعلى البشر زود بعطيك
حنا سلايل عبس رشيدي وكادي

حنا بني رشيد اليا قلت مباديك
نشرب قراح ونرتوي بظم الايادي

نفزع لقولة رشيدي رشيدي يفديك
ونفزع للمخطي حتى صوب الوكادي

بعض العرب ماله علينا مشابيك
وبعض العرب يفرح بليا هدادي

ياصاحبي اقلط وخل عنا هقاويك
جلسة فخر بجو لطيف برادي

ياصاحبي ياصاحبي مرحبا هلافيك
فيه الرجال محتمين حق البلادي

شهادة حق ترفرف بالعلم هيك
فخر وعز مجد بلادي بلادي

من الجنوب لقصى الشمال يناديك
متكاتفين صف واحد بالعدادي

لنا ملوك ترفع الرأس وتحتويك
عيال ابن سعود لاجل السعودي

خادم الحرمين في خفوقه يحتويك
ولى العهد سلطان بالخير بادي

والنائب الثاني للامن دوره يكفيك
امن وسلام وفكر بالعقل يابلادي

نعيش منعمين بظل حكم المليك
الي خيره عم الحضر والبوادي

تحيه من صميم القلب بعطيك
فيها من العود مسك وزود كادي

الموضوع الأصلي: حنا بني رشيد اليا قلت مباديك | | الكاتب: وشلون مغليك | | المصدر: شبكة بني عبس

[مروان الرشيدي]

صح لسان شاعرها

قصيده رائعه

/
/

لاهنت ع النقل

:
:
تحياتي

[البااارونه]

تحيه من صميم القلب بعطيك
فيها من العود مسك وزود كادي



صح السانك اخوي الفريدسي

قصيده بقمه الروعه

[احمد سبيتان]

الله يعطيك العافيه على القصيد الرائع
بيض الله وجهك

[المشعل]

الفريدسي يعطيك العاافيه

قصيده راائعه

لاهنت على الاختيار والنقل الراائع وصح السان شاعرها

تحياتي لك

[الأديب]

أخي الفريدسي نشكر محاولاتك

ولكن القصيده مكسره وأنا أستغرب هذا الشي

[وشلون مغليك]

مروان الرشيدي

صح بدنك ويعطيك العافيه على المرور الرائع

[وشلون مغليك]

ريم المهيمزي

يعطيك العافيه على مرورك الرائع