[عبدالرحمن هليل]

انت الذي لك بالمراجل مواقيف* صداقتك طول الزمن تاج راسي
صداقتك ماهي مخادع وتزييف* على الشرف والطيب ساسك وساسي
يابن الرجال مولفين المواليف* تروس في يوم اللقــــاء ماتراســــــي
اللي بيوم المعركه ترفع السيف* افعالهم مثل الجبـــال الرواســــــــي
وايضا تقدر واجب الجار والضيف* ناسن تماشي بالـــشرف كل ناسي
سطرلها التاريخ علم وتشريف* ماهو كلام الضعـــف والانتكاســـــــي
وصداقتك ماهي بجمع السواليف* ولاهي صداقات القـــــلوب النجاسي
اللي صداقتهم مثل بارق الصيف* يصادقك بالليل والصـــــبح ناســـــي
واليا طلبته شي صرفك تصريف* واليا بغاك يصير فضـــــــه وماســــي
والا انت ذخري بالسنين الشواحيف* وانتــــــه عضيدي كل مالان باسي
وليا حصلي في زماني صواديف* انصاك لاجـــــاء بالزمان افتراســــــي
ياصقر دايم منزله بالمشاريف* والا الخرابه مـــــنزلن للــــــــــبساســي
هذي بيوتن عنك موجز وتعريف* يا عزصـــــدقاني وياتاج راســــــــــي

الموضوع الأصلي: اهدي هذه الابيات الى اخي الشاعرابوسعودالاجهر | | الكاتب: عبدالرحمن هليل | | المصدر: شبكة بني عبس

[فلاح الرشيدي]

صح لسانك وبيض الله وجهك أبو سعود يستاهل ولاعليك قصور
لك ودي وتقديري

[عبدالرحمن هليل]

مشكورولا عليك زود يالذيب

[خالد البغيلي]

صح لسانك وبيض الله وجهك أبو سعود يستاهل ولاعليك قصور

[فهد العوضه]

صح لسانك وبيض الله وجهك أبو سعود يستاهل ولاعليك قصور

[مروان الرشيدي]

صح لسااانك ياوافي

::
::


قصيده روعه وزادها جمالنا الشخص الموجهه له

:
:
تحياتي

[منارة الذئاب]

صح لسانك وبيض الله وجهك أبو سعود يستاهل ولاعليك قصور
لك ودي وتقديري

[عبدالرحمن هليل]

اشكركم جميع ودمتم