[مرزم]

مساكم /صبحكم الله بالخير


هذه القصيدة اسمع بها من مدة طويله ولا اعرف شاعرها الحقيقي
علما انها نشرت قريبا بالنت وبعضهم ادعى انها له مع اني لااعتقد ذلك
لاختلاف اسلوبها ومفرداتها عن اسلوب من يدعون انها لهم

وبعضهم قال انها للشاعر الكبير عبدالله بن باتل الرشيدي
فهل ممكن افادتي عن ذلك ،، شكرا جزيلا

مشيت في شارع وكله خواجـات

حمر العلابي نظرتـه مـا ثناهـا

في ساحتن ما دونها الا عمـارات

والشط قابس موجتـه مـا تناهـا

غرون خطف عيني بلادنى مروات

حسبي عليه الشوف عني عماهـا

بيضا تعسف مهور كل الاصيلات

خده مثـل ورد النسيـم احتواهـا

شيهانتن من وكر ذيك السـروات

بالحوم صعبه مايجـي مشتراهـا

الموضوع الأصلي: سؤال لو سمحتم | | الكاتب: مرزم | | المصدر: شبكة بني عبس

[هاوي شعر]

ليس لديه معلومه عنها
واتمنى من الشباب الايفاده عن اسم شاعر القصيده
ومشكور مرزم
على النقل

[الاجهر]

لاعلم لدي بهذه القصيدة
ومنا للمختصين
تحياتي

[احمد سبيتان]

فالحقيقه القصيده اول مره اسمعها

[صقربني عبس]

مقدر افيد بشي اخوي المعذره
بس انشاء الله تعرف

[سالم الرشيدي]

ماشاء الله ابيات روعه

ولاكن لااعلم لمن ونبحثلك فيها وان شاء الله نجد من هو شاعرها

[سالم الرشيدي]

في ليلة اللي يطلبـون المعاشـات
النفس عابس صبحها مع مساهـا
في موعدن يرقب ضهوره علامات
اما شعـاع الشمـس والا بلاهـا
مشيت في شارع وكله خواجـات
حمر العلابي نظرتـه مـا ثناهـا
في ساحتن ما دونها الا عمـارات
والشط قابس موجتـه مـا تناهـا
غرون خطف عيني بلادنى مروات
حسبي عليه الشوف عني عماهـا
بيضا تعسف مهور كل الاصيلات
خده مثـل ورد النسيـم احتواهـا
شيهانتن من وكر ذيك السـروات
بالحوم صعبه ما يجـي مشتراهـا
خصره على جسمه يدق التحيـات
كن العساكر بالقفـى مـا سلاهـا
من بين ثغـره يبرقـن الثنيـات
كن النجوم الساطعه فـي حماهـا
ماهي من اللي يدفعـن الريـالات
اللي على درب المشاغـل هواهـا
ماتركب الا من جديـد الوكـالات
سواقها مـن زيتهـا مـا سقاهـا
ماهي اميره بس زي الوصيفـات
عنوانهـا مبـداه حلـون قراهـا
الشوفه اللي شفتها تجـرح الـذات
ياليت يا مشاري معـاي وتراهـا
لوشافها لخبط وقـوت الصلـوات
ويضا بعد نفسـه تجـدد عناهـا
لمحتها يـوم المواتـر سريعـات
على السريع اللـي يبعـد مداهـا
يومنها وزنـي تحقـق بنضـرات
ويوم انتحت عني تناضر وراهـا
صالونها من خلف مافيه لوحـات
مدري دلع والا الجمـارك خذاهـا
لحقتهـا لعلـي القـى عـلامـات
في جسمها عن دارها اللي رباهـا
لكن بلا جدوى هيهـات هيهـات
يابعد في مسراحهـا مـن مساهـا
مدري لحايـل راح ولا القريـات
بس الاكيد ان الشمـال احتواهـا
والله يا لولا الدين ويضا المروات
وخشى على نفسي يسيطر هواهـا
لترك ضروفي كلهـا والدوامـات
واسري الكزز بعـد فـي رجاهـا




وسلامتـــكم


خالـــد الصقـــري


بحثت ولقيت هذي

[خالد الصقري]

بسم الله الرحمن الرحيم

تحيه طيبه لهذا الصرح الطيب

شكرا لك على نقلك لقصيدتي هذي واشكر اعجابك بها

عند بحثي وتشييكي على بعض قصائدي في النت حصلت قصيدتي في هذا المنتدى الطيب وكان قد حصل لبس في صاحب هذه القصيده ونسبها الى احد الاشخاص ,فحبيت ان اوضح وابرهن انها قصيدتي احقاقن للحق

وهذي روابط قصيدتي بفارق زمني بعيد عن وضعها في منتداكم الطيب

نشرتها في منتديات المرقاب

http://www.almerqab.com/vb/showthread.php?t=62886

هذي في منتديات بيت العرب ولا حظوا التاريخ والساعه ايظا

http://www.baitalarab.net/bait/showthread.php?t=7560

وهنا نشرتها في شبكة مجالس قبيلة عنزه ولا حظوا التاريخ والوقت

http://www.3nzh.com/vb/showthread.php?t=37126

تقبلوا وافر حبي ومودتي لهذا الصرح الشامخ

الشاعر/ خالد الصقري العنزي / الجبيل