[منصور بن صبح]

قصيده جديده واتمنا ان تنال استحسانكم وان كان فيه ملاحظه لاتبخلون علينا
هاذي مجرد بدايات فقط

سقاً الله دارن خذتلي مدت فيها=من المزنه الي برقها له تعقرابي
تناسيتها لو كان ماني بناسيها=أحاول ابعد عنك يامحرق عصابي
يجيني قلق وحراج لو حيت طاريها=وترجع لي الذكرى ولدري باالسبابي
بعض ذكرياتن باالمعاليق مخفيها=خطيره على قلبن من الوقت مرتابي
انا احب ذيك الدار من حب راعيها=ولا اطيع فيها كل عاذل وكذابي
ولا ياحمامه هيضتني غوانيها=دخيلك ترى قلبي من اللوع منصابي
اعد النجوم وساهر الليل اراعيها=ويطلع علي الصبح وضيع حسابي
انا لامتى والروح باالهم مشقيها=من العام نوم العين للجفن ماطابي
تعلقت في بنتن عسى الله يجازيها=ولا عن هواها اليوم صده ومجنابي
رمتني وصابتني وزانت مراميها=وغابت وغاب النور بغياب من غابي
ولا ياعذاب الروح من فقد غاليها=ولا ياوجود العين في شوف الحبابي
انا لو لقيت القاضي الي يقاضيها=جنيت العوض من حب تلعات الرقابي
لاكن البلا باالحجه الي ندليها=وانا كل خوفي قول ودى ولا جابي
تعيد الجروح الماضيه ذكر ماضيها=وانا كل مذكر مامضى الوقت ينحابي
تموت المحبه والصواديف تحييها=وراع الهوى لو قال ابتوب ماتابي
اضن الهوى عدن كثيره ضواميها=ومن دونها الي عذبت كل شرابي
ولوي شكيت الحال محدن مداريها=انا نفسي القشراء من اللوم تنتابي
ولا تصلح الشكوى على غير واليها=عليمن بسير السفن والناس ركابي

الموضوع الأصلي: سقاً الله دارن خذتلي مدتن فيها | | الكاتب: منصور بن صبح | | المصدر: شبكة بني عبس

[برق الوسم]

منصور بن صبح
صح لسانك بلااايين
قصيده رائعه وجميله قراءتها اكثر من مره
سجل اعجابي
ننتظر جديدك الاروع
تقبل خالص الود والتقدير

[ذيبان الرشيدي]

صح الله لساانك
يالامير
وعافاك الله وابقاك

نص جزل ورائع بروعتك

فليس عليك الابداع بمستغرب
ايها العذب

لاتحرمنا جديدك

دمتَ
بخيراً وعافية

[مرزوق العجوني]

صح لسااانك ولا هنت اخوي وتقبل مروري وتقديري

[سيف عبس]

منصور بن صبح نائب الرئيس المؤقر

إسم لامع بعالم المحاورة واليوم بزغ نجمه بالنظم

اتمنى لك التوفيق

[العالم الفلكي]

صح السانك يامنصور بن صبح قصيده جزله الله يعطيك العافيه

[منصور بن صبح]

اقتباس من مشاركة برق الوسم منصور بن صبح صح لسانك بلااايين قصيده رائعه وجميله قراءتها اكثر من مره سجل اعجابي ننتظر جديدك الاروع تقبل خالص الود والتقدير

صح بدنك يابرق الوسم وبيض الله وجهك على الكلام الطيب

[منصور بن صبح]

ذيبان . مرزوق العجوني . سيف عبس . العالم الفلكي

صحت ابدانكم جميعاً وبيض الله وجيهكم على المرور والكلام الطيب