[مرشدالمظيبري]

يحول أشول الحق جتني طروشه ـــــــــ جتني مطاليبه وانا عنه منحاش

اليوم كن بداخل الصدر هوشه ـــــــــــ مثل اختراش الريم في داخل الجاش

يالله عسى عطفك ولطفك نحوشه ــــــــــ يالله بحسن الخاتمه عند الاقراش

دنياك لو تعطيك زين المعوشه ــــــــــــ تالي سوالفها تعود على ماش

ياما خذينا بأول العمر شوشه ــــــــــــ وياما مشينا في مظاهير وأدباش

في خايعٍ وبل الثريا رشوشه ـــــــــــ نجن الزبيدي في صحاصيح ودشاش

وياما جلسنا مع مرودع نقوشه ـــــــــــ في سهلةٍ ماحدرنا زل وفراش

في وسط روضٍ مخضراتٍ خفوشه ــــــــــ نبته جديد ومبعدينٍ عن الطاش

نبنوب لا خبله ولا أهي مخروشه ــــــــــ عنق الفريد ان ذيره زول حشاش

قامت تخاطبني بنفسٍ هشوشه ــــــــــــ بس الكلام وعرضه أبيض من الشاش

بسرار في وسط القلوب مخشوشه ــــــــــ بين الثنين ولا درى عنهن الواش

ربعة وفا ولا السلب ماننوشه ـــــــــــ ماني لوجه معذب الحب خماش

واليوم مالي مع هل الصيد نوشه ــــــــــ عطيتها غيري بلاسوم ببلاش

عند الطبيب وصار عندي وحوشه ــــــــــ ومن الإقامة صابني خوف وخراش

ذالحين شفني جالسٍ عقب دوشه ــــــــــ أصلب عضاي وكن بالجسم هشهاش

خليت ديواني ومجلاس حوشه ــــــــــــ عقب المعزة ساكنٍ دار الإنعاش

والنفس ضاقت عقب ماهي بشوشه ــــــــــ مثل المقيم اللي على نو مطراش



...تحياتي...

الموضوع الأصلي: آخر قصيدة قالها الشاعر مرشد البذال وهو في المستشفى.... | | الكاتب: مرشدالمظيبري | | المصدر: شبكة بني عبس

[معلا المظيبري]

الله يعطيك العافيه ياخال وصح السان الشاعر والمدرسه الشعريه مرشد البذال

[حمود العجوني]

الله ير حم مرشد البذال ويعطيك العافيه اخوي مرشد

[سالم المظيبري]

خليت ديواني ومجلاس حوشه ــــــــــــ عقب المعزة ساكنٍ دار الإنعاش

والنفس ضاقت عقب ماهي بشوشه ــــــــــ مثل المقيم اللي على نو مطراش

الله يرحمه ويسكنه فسيح جناته
وشكرا للاخ مرشيد المظيبري
على نقل هذه القصيده الجزله
دمت بخير

[مرشدالمظيبري]

يعطيكم العافية على المرور

[سالم الرشيدي]

الله يرحمه ويسكنه فسيح جناته
وشكرا للاخ مرشد المظيبري
على نقل هذه القصيده الجزله

[مرشدالمظيبري]

يعطيكم العافية ع المرور

[المشعل]

والنفس ضاقت عقب ماهي بشوشه ــــــــــ مثل المقيم اللي على نو مطراش
الله يرحمه ويسكنه فسيح جناته

يعطيك العاافيه المظيبري على النقل والاختياار الراائع

ابيااااات في غااية الرووعه

تحياتي لك