[مرشدالمظيبري]

محاورة بين الشاعرين نواف العازمي ورشيد بن معدي
رشيد :






هلا يامرحبـا ترحيبتـن طاروقهـا ينقـاد
كما قـود العسيـف تحـت حكمـة مدربهـا
ترى الليلة فرح لأن الفرح يحسب من الأعياد
ومن يحضر على الحفلة يقدرهـا بواجبهـا




نواف :






عسى فيك البقا ياللي ترحب وأنت راع شداد
من أول لايرحـب بالضيـوف إلا معزبهـا
دعيتونا على الحفلة وجيناكم على الميعـاد
وصارت مشكلة لكن ماأدري وش سبايبهـا


رشيد :






يدوم لك البقا يالشاعر الملهم ويالقصـاد
ونفسك ياطويل العرف حاسبها وعاتبهـا
دعيناكم وجيتونا على الفطرة وملحة زاد
وأنا ما لي ومال الناس أخاصمها وأطالبها




نواف :






ألا يابلشة الشاعر وألا يابلشة الأجـواد
أثر بعض العلوم صحيح ماتحمد عواقبها
ترى اللي جاك يابغداد من ريسك يابغداد
يحسبنه بكيفه يطلـع الشمـس ويغيبهـا


رشيد :






تبي تبلش وتبلشنا مع المحـدار والمسنـاد
يزولن الرواسي والعـرب تبقـى ذهايبهـا
لاتشغلني وأنادي صاحبك ياسند ما أدري باد
أخلي كل لحيـة ماتعـذر عـن شواربهـا


نواف :






حمدنا الله على النعمة ولكن كثروا الحساد
لاجبت المشكلة كيف أتعذر وأنت جايبها
تقول اللي تقوله كل قـوم لهـا سيـوف
وبعض الناس تبغى بعدها والله مقربهـا





رشيد :






من الواجب يابن راشد تجامل مع بني تحماد
مادامك بالف خير البير لاتغثرب مشاربهـا
ترى حنا عرب لن العروبة ينطقون الضـاد
ومحمـد هـو نبـي الله ومسيلـم كذيبهـا





نواف :






ابن حامد وابن راشد وابن عايد وابن عياد
تحاول لايطيح شداد ريمه فـوق غاربهـا
وحنا ياعرب والله ماحنـا للصنـم عبـاد
علاقات العرب من بينها هو وش يخربها


رشيد :






أبيك تميز التاريـخ قبـل تنشـد النشـاد
عطيتك كلمة الإعراب لكن ما أنت معربها
ليا منا تفاهمنا على المصـدار والميـراد
يقر الوزن والأمة تمرح فـي مضاربهـا





نواف :






ترانا قبل نعرف وش سبا نعرف ثمود وعاد
ولاعندي جهل في كل موجبهـا وسالبهـا
ترى العام الجديد يجيب في حثله علوم جداد
وأعرف اللي يطق خشومها واللي يحببهـا



رشيد :






يقولون العرب وسط السلم وش صدت يالجراد
تفكر بالليالي وأنـت عجبـه مـن عجايبهـا
تدرج ياوسيع العرف خـل النـوم والمرقـاد
لا أحطك تحت الأرض اللي تمشى في مناكبها





نواف :






أحد صايد وأحدمصيود وأحد مفلس ما صاد
ولكن الجهـات الأربعـة هبـت هبايبهـا

الموضوع الأصلي: محاورة بين الشاعرين نواف العازمي ورشيد بن معدي 2 | | الكاتب: مرشدالمظيبري | | المصدر: شبكة بني عبس

[(*العرعري*)]

بيض الله وجهك يامرشد ومشكوررررررررر

[صقر ابن عبس]

الله يعطيك العافيه ياااااااااااااااااااااامرشد

[ابو بيان]

بيض الله وجهك يامرشد المظيبري
ولك التحيه والاحترام
وياليت تنزل لنا محاورة نواف العازمي والشاعر اخو سلمى
اللي منها هذا البيت للشاعر نواف العازمي
واجد اللي يمشط اللحيه وهو رادن نصيبه
ون نشدنا عنه حصلناه بالروض الموالي
ولك الف شكر وتقبل مرورووري
اخوك ابو بيان

[مرشدالمظيبري]

الله يعطيكم العافية على المرور

[سيف المهيمزي]

مشكور على هذه المحاوره لاهنت

[مرشدالمظيبري]

الله يعطيكم العافية على المرور

[المشعل]

محاوره رائعه بين شعراء كبار

والله يحفظ ويطول عمر شاعرنا رشيد معدي والله يرحم نواف العازمي

لاهنت مرشد على النقل الراائع والاختيار الجميل

تحياتي لك