[العالم الفلكي]

بسم الله الرحمن الرحيم

السلام عليكم ورحمة الله وبكاته

هذه المحاوره بين الشاعر معلا المظيبري والشاعر ناصر خنيفر (العمده)


معلا

حان الوعد مابيننا وسمع القاف=الليله الليله تراها طويله
اعرفك شاعر من رياجيل عراف=لاكن خصمك من رجال الفضيله

العمده

حان الوعد مابين نايف ونواف=الليله الليله تبين الجزيله
مابك قصورن باالبدايه ولا نكاف=بسود اليال مرشحينك دليله

معلا

من يوم جيت المنتدى عصركم طاف=ماهي سوالف واحدن واحليله
الحق ياالعمده نبا الحق بنصاف=والمنتدى ياشيخ ماني وكيله

العمده

المنتدى قبلك فلا جابه خلاف=فيه الرجال الي تفك الدبيله
والظلم ماياتي من الناس الاشراف=وشين مخصك لاتعرض سبيله

معلا

انته عزيز ومنك اليوم ماخاف=لو انت واحد من شيوخ القبيله
من حج وسط البيت ملزوم يطاف=والزند لايقرب لخشم الفتيله

العمده

الخوف مايه خوف وقلوبنا نظاف=ياالصاحب الي مابغينا بديله
يوم اعتلا معلا على راس مشراف=نبغا نتدرج لين نعرف حصيله

معلا

باالمنتدى عمده وباالشعر صياف=ياالله سترك يامنجي دخيله
انا معلا فارس القوم حواف=ابين لابار العميل بعميله

العمده

مدري صحيح المدح ولا به جحاف=الغيب علمه عند منش المخيله
ماذكر فيك قصور من ماض الاسلاف=لاكن ضلع طويق محدن يشيله

معلا

القصد واضح مالنا عندك اهداف=حتى تقول الخل يعرف خليله
نبا نتسلا معك ونقول الاوصاف=والنت عزوتنا بوقت الصميله

العمده

فسرت موضعك على كل محراف=وبلشت في عدل القوافي وميله
التسليه باالشام في دار الارياف=ماهيب عندي يامزبن دخيله

معلا

هاذي مواضيعن يقولونها ضعاف=ابشرك ماني من اهل الفشيله
الطيب ساسي وانت لطيب ميلاف=وكلن على ماقيل يلقا حصيله

العمده

روح عساك مجار من كل الاصداف=وهداج تيما مايساوي ثميله
ولاتعاين الي باالخلا يهرف اهراف=سبعً يراوغ في جبال وخميله

معلا

انت الفخر وحلف على ذالك احلاف=يوم اني العب معك يومن ولليله
هذا وسلم لي على سيع الاوصاف=سبع الخلا مافيه حيلن وحيله

العمده

الشك زايل ماحصل بيننا خلاف=وحنا نتجمع باالغصون الضليله
الي بضلع ابان والي باالاسياف=تجمعو في عبس نعم القبيله

الموضوع الأصلي: معلا المظيبري + ناصر خنيفر | | الكاتب: العالم الفلكي | | المصدر: شبكة بني عبس

[ناصر خنيفر]

العالم الفلكي مشكور على التنسيق وبيض الله وجهك

[نجم الجدي]

مشكور يا العالم الفلكي على تنسيق هذه المحاورة القيمة بين العمدة ومعلا

[القنبله]

مشكور يالعلم الفلكي علا التنسيق
وبيض الله اوجيه الشعار
وتقبلو مروري

[العالم الفلكي]

اقتباس من مشاركة ناصر خنيفر العالم الفلكي مشكور على التنسيق وبيض الله وجهك

وجهك ابيض يابوتركي ومشكور على المرور والتعليق

[العالم الفلكي]

اقتباس من مشاركة نجم الجدي مشكور يا العالم الفلكي على تنسيق هذه المحاورة القيمة بين العمدة ومعلا

وأنت مشكور على المرور والتعليق

[العالم الفلكي]

اقتباس من مشاركة القنبله مشكور يالعلم الفلكي علا التنسيق وبيض الله اوجيه الشعار وتقبلو مروري

وأنت مشكور على المرور والتعليق

[الحر النداوي]

مشكور يا العالم الفلكي على تنسيق هذه المحاورة القيمة بين العمدة ومعلا