[سعد الشقل]

بيت الشاعر الكبير مهل الرويضي الرشيدي
والذي يقول فيه:
برواحنا دم الحميا له عروق=وراعي الردى ماله وقار وحشيمه


شاعر طرطنقي

يامرحبا ترحيبة ن ترتفع فوق=في مجلس ن ماضم ناس ن غشيمه
الجوهره ياصاحبي وسط صندوق=معروف ما ترضى ابد بالقسيمه

مفسر الاحلام

الك البقى ياراعي الطيب والذوق=في مجلسن فيه الرجال الحشيمه
الجوهر ماناسبت كل مخلوق=مير البلا من عرف ناسن غشيمه

شاعر طرطنقي

الصبر زين وكل مطرود ملحوق=اصبر مدام ان النوايا سليمه
الدله الي بنها صار محروق=مالي بها مدام يدي كريمه

مفسر الاحلام

عزالله انك بالمواجيب محقوق=يالطيب الي ما تحب الظليمه
انته تبيع وتشتري خارج السوق=ماني بقايلك يامال الحريمه

شاعر طرطنقي

يلي تطالب مالك الا بطاروق=مبني على المعنى بصوره عظيمه
حنا العرب للخير سابق ومسبوق=من خيرنا نمسح دموع اليتيمه

مفسر الاحلام

ابك الحميا ساقت اهل الوفا سوق=عندك خبر ما يرغبون الهزيمه
الظاهر انك تالي الوقت مخنوق=مير العظايم لرجال العظيمه

شاعر طرطنقي

مصر تغير وضعها بعد فاروق=الله يجيب الي يرد العزيمه
الطيب الي طاب من مال مسروق=هذي ترا عاده لريمه قديمه

مفسر الاحلام

راع الغنم بعد التطور شرى نوق=والمشكله ماشاف براق غيمه
يااللى على اسمك مابقى هرج مفهوق=وادرى سكوتك فى حياتك جريمه

شاعر طرطنقي

قلبك من الواقع ترا صار محروق=محروق حرق النار وسط الهشيمه
مامن علوم وثوبك اليوم مشقـوق=وتبقى صداها وسط قلبك مقيمـه

مفسر الاحلام

قلبى عليك ابيض وياخذنى الشوق=لو الليالى عاقبتها وخيمه
لون العلوم اللى معى لون غرنوق=وانته رجل ماقلت عنك بهيمه

الموضوع الأصلي: المحاوره الثامنه / شاعر طرطنقي × مفسر الاحلام | | الكاتب: سعد الشقل | | المصدر: شبكة بني عبس