[الحر404]

السلام عليكم ورحمة الله وبركانة
صبااح الخير يا حلوين

شلونكم شخباركم>انشاءالله الكل بخ ــيـر

هذي قصيدة عبدالله بن باتل الرشيدي الملقب +((البحر الميت))+

رديه على عيد بن مربح الرشيدي+((مــــ المحاوره ـــلك،))+

<<ناسي قصيدة عيد والسموحه منكم واليكم قصيد البحر الميت



لاوهني النـاس تدلـه مـع النـاس

وانا عجزت القى مع النـاس ناسـي

انـا هواجيسـي ليـادك الادمــاس

علـيً دكـن مـع دكـاك الدماسـي

ما مر يـوم الا وبالقلـب هوجـاس

والله مادري كيف ما شـاب راسـي

باسباب محبوب(ن) من البيض حساس

ماشفت مثله فـي جميـع الجناسـي

خل(ن) بني حبه بقلبي علـى سـاس

ورسى كما ترسـي جبـال رواسـي

اسمه بقلبـي كاتبـه بيـن الاقـواس

اربع حروف(ن) حطم(ن) قلب قاسي

ابو عيون(ن) كنها عيـون قرنـاس

شاف ابرق الجنحان بيـن الهراسـي

لو مادرس بالمدرسه عدم الاجنـاس

زينـه وعقلـه مستـواه الـدراسـي

غبت بحر من طب في وسطها انحاس

اوصاب عقله مـن هـواه انتكاسـي

حبه تحول تالـي الوقـت وسـواس

لامدرك(ن) وصله ولانـي بناسـي

لو اقدر اصبر واقنع النفـس لابـاس

لكن عجز عن مقصد النفـس باسـي

دخلت مستشفى الروابـع والاخمـاس

وكتبتله في قلبـي اسـم(ن) خماسـي

واخذت انا ويـاه مـده بـلا ونـاس

وقبـل حلـول اهمومهـا والمآسـي

واندارت ايام السعـاده بـلا تعـاس

وكل(ن) شرب من مر فرقاه كاسـي

هو يحسبني طعـت عـاذل وبـلاس

وان زماني صـار فيـه انعكاسـي

ومن بعد هذا حال من بيننـا اليـاس

ولازال حبه هـو بـلاي الاساسـي

صح اللسان شاعرها

يا جماعه اللي عنده قصيدة
عبدالله بن باتل ((وش غيركـ يازين عنا هو جهل ولا تغلي علينا))

لايبخل علي فيها تراني ادورها

مودتي لكم اخوكم الحــرــ{ــر404

الموضوع الأصلي: ردية عبدالله بن باتل الرشيدي على قصيدة عيد بن مربح>لاوهني النـاس تدلـه مـع النـاس | | الكاتب: الحر404 | | المصدر: شبكة بني عبس

[عاشق الاتي]

عبــــــدالله بــــــــاتــــــل مدرســــــه شعـــــرريه ،،،

لاهنت على النقل ،

[مريف الرشيدي]

صح لسااان الشاعرودام نبض احساسه
سلمت يمناك

[ابن فجوان]

عبدالله باتل شاعر عميق المعنى ينقش على صخر
بحر شعر لا مدى له
صح لسانه وسلمت يد الناقل
تقبل مروري

[الحر404]

اقتباس من مشاركة عاشق الاتي عبــــــدالله بــــــــاتــــــل مدرســــــه شعـــــرريه ،،، لاهنت على النقل ،

ولاهنت يا الغالي مشكور على المررورر الطيب

[الحر404]

اقتباس من مشاركة عم الجميع صح لسااان الشاعرودام نبض احساسه سلمت يمناك

صح بدنكـ ولاهنت على المررورر الطيب

[الحر404]

اقتباس من مشاركة ابن فجوان عبدالله باتل شاعر عميق المعنى ينقش على صخر بحر شعر لا مدى له صح لسانه وسلمت يد الناقل تقبل مروري

انشهد عبدالله بحر الشعر

صح بدنكـ يا الغلا ولاهنت على المررورر الطيب والله يسلمكـ

[علم بني عبس]

عبــــــدالله بــــــــاتــــــل مدرســــــه شعـــــرريه ،،،

لاهنت على النقل