[عبدالله المظهور]

السلام عليكم ورحمة الله وبركاته :
،
،
بدون مقدمات
،
،
،
،
اقرأوا .. مايلي :

الليل طرف .. واقترب وقت الإذان=قرب طلوع الصبح .. والحال حاله
جتني صلاة الصبح .. واذانها حان=وانا مع الاشعار سالي .. وداله
ابدا بمبدأ .. وامسحه بعض الاحيان=واليا مسحته .. جبت واحد بداله
انخى الهجوس .. ونوب ياقف وينخان=يرغب قبالي .. مثل ماارغب قباله
مانمت لي يومين ضايق .. وطفشان=كني غني(ن) فاقد(ن) راس ماله
هامور كان بخير والبنك مليان=وفي سوق الاسهم ضاع كامل حلاله
وعقب الغنى اصبح فقير(ن) وحفيان=واصبح على الاقصى والادنين عاله
وياصاحبي يالي من الحبر مليان=اكتب قصيدة حزن .. ولا رساله
ابيك تروي قصة فلان .. وفلان=تقصها بابيات شعر الجزاله
قصة انسان .. وفارقه اطيب انسان=ومن فرقته الله واعلم بحاله
حبيب وابعد عن دياره والاوطان=هذا جنوب .. وذاك باقصى شماله
حاضر .. ولكنه تحول خبر كان=في غيبته صار العوض في خياله
مابينهم حالت قوانين بلدان=والدين .. وسلوم العرب .. والسلاله
اقفى .. وخلى له ثلاث من الاحزان=الضيق له .. والهم له .. والبكاء له
خلاه في غربة زمن عبر الازمان=يكمل طريقه في حياته الحاله
غصب(ن) عليه يكمل الدرب منهان=ويرضى الزمان بميلته .. واعتداله
ومن بعدها جو الزمن صار دخان=واليوم الاسود صار يوم احتفاله
ويصبح حزين .. ويمسي الليل زعلان=وكثرت هواجيسه .. وكثر انشغاله
والضحك مابه ضحك .. والدمع مجان=وصار يتحمل شي فوق احتماله
وحال(ن) تعيس .. وحزن .. واهات .. واشجان=وراي(ن) عمى .. وقلة سنع .. وانعزاله
هو هكذا العاشق اليا صار ولهان=فاله .. عسى مافال الاجواد فاله
قصه وانا صورتها حسب الامكان=على شكل تقرير .. مدري مقاله
وزبنتها وانا لها خير مزبان=وقمت اتصيد شردي من خلاله
وقصدي ابين شي واحد يالاخوان=ان الهوى مفتاح غي .. وظلاله
والشعر .. كنه مس من عالم الجان=يسيطر .. ويعلن بالشعور احتلاله
والشعر للشاعر .. سعاده .. وسلوان=وهمزة وصل بين .. العقل .. والجهاله
وللشعر تركيبه .. ومبدأ .. وميزان=ومعنى .. واصول .. ومفردات .. ودلاله
وياالله بحسن ختام .. مع قوة ايمان=اخير من باب القصيد .. ومجاله !

وسلاااااااااااااااااااامتكم جميعاااااااااااااااااااا

الموضوع الأصلي: احوال .. العاشقين !!! | | الكاتب: عبدالله المظهور | | المصدر: شبكة بني عبس

[برق الوسم]

شاعرنا عبدالله المظهور
صح لسانك قصيده رائعه كروعة كاتبها
لاهنت ياعبدالله وتقبل مروري

[ذيبان الرشيدي]

دائماً

أطيل التمعُن في دُررك الغنية
بالحكم والجزالة

شاعر لايُشق لكَ غُبار

آسرتنا بطيب شخصك قبل شعرك

لا
أملك
الا أن اقول
صح الله لسانك
والقُبعه لشخصك قبل شعرك مرفوعه بِكُل أعتزاز

أيها العذبُ الهُمام النبيل

دمت بخيراً وعافيه

[مرزوق العجوني]

صح لسانك يابو محمد ولا هنت وتقبل مروري وتقديري

[محمد رشيد حضرم]

شاعرنا
عبدالله المظهور

صح لسانك قصيده شامخة كشموخ كاتبها
أبو محمد

شهادتي فيك مجروحة
وأنا من المتابعين لجديدك
وأبداعاتك الشعريه

لاهنت يابن مظهور وتقبل مروري

[العالم الفلكي]

صح السانك يابن مظهور قصيده جميله ننتظر جديدك

[ريتال الداموك]

صح لسانك قصيدة رااائعه استمتعنا بها لاهنت

[عبدالله المظهور]

اقتباس من مشاركة برق الوسم شاعرنا عبدالله المظهور صح لسانك قصيده رائعه كروعة كاتبها لاهنت ياعبدالله وتقبل مروري

شكرا لك طال عمرك
تشرفت بكونك اول من يمر ويقرأ قصيدتي
كلك خير وبركه

تقبل تحياتي وتقديري