[بعيدالمصابيح]

حببت ان انقل لكم هذا القصيده من ديوان الشاعر كاتب الفديمه الرشيدي
من منتديات الكفه
وعسا ان تحوز على رضاكم وتقبلو تحياتي
بعيدالمصابيح

مرحبا عند اهل الطيب واهل الطايله=لا بتي يوم الليالي رحاها يستدير

لابتي عبس العريقه جبال ن هايله=من شموخ اجيال فالوقت الاول والاخير

ماتهاب الموت لاجاء نهار الصايله =تارد حياض المنايا على الجمع الغفير

يوم بالدنيا ويوم الليالي مايله =ماتغيرنا على امجادنا طول المسير

يكتب التاريخ عنا بصفحه فايله =من عصر عنتر وفي عهد ابن عمه زهير

الكرم فينا وفينا سموم القايله =نكرم الضيفان والخصم له سيف ن شطير

لركبنا فوق قب المهار الحايله =من يجي بنحورنا مايعود للعشير

تقدح الازناد منا على فتايله =لين يمسى من صباحه عبوسن قنطرير

ولا نقول قصور كل القبايل نايله =ولايشك الاخبيث الشريحه والضمير




بقلم : الشاعر كاتب الفديمه الرشيدي

الموضوع الأصلي: كاتب الفديمه الرشيدي | | الكاتب: بعيدالمصابيح | | المصدر: شبكة بني عبس

[انسان عادي]

صح لسان شاعرها


قصيده جزله
لاهنت على نقلها

تحياتي

[بعيدالمصابيح]

صح بدنك اخي انسان عادي العزيز وشكرا على امرور الجزل

[أمـــير بـكلمتي]

صح لسان شاعرها كاتب الرشيدي
ويعطيك العافيه على النقل

[الحقيقة المرة]

صح لسان الشاعر كاتب الفديمه الرشيدي
لكن عندي سؤال -انا اعرفه انه شاعر محاوره ولكن هل له اسم مستعار بشبكه يمكن تفيدنا على الخاص