[عقيد المدرهمات]

شفتها ياسعود صدفه بعد ما مرت سنين!!!!!!


.............. عند قسم المختبـر وسط مشفى الجامعـه


جيتها ثم قلت ممكن في سؤالي تسمحيـن


................ناظـرت فينـي بدهشه نظره متواضعـه


قالت انت تـحسبني من بنات صايعيـن


......تـحسبني في زماني عن طريقي ضايعـه


قلت انا ماراح اطـول كل ابوها كلمتيـن


.............وابعـدت عني شويه ثم جتنـي راجعـه

قالت اسال واضح انك من رجال طيبيـن


............بس هرجك يالسنـافي كان وشهو دافعـه


قلت انا حبيت وحده يـوم كنا صغيـرين

.........ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

........ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن


.................واذكر انه لاجـرينا كـن شعـره تابعـه

واذكر انـه عاشـق فـالورود الياسميـن


..............صار قلبي بالـورود اللي عشقهـا زارعـه


طابعا اسـمه بقلبي فيه سيـن وفيه عيـن


................وفيه الف وفيه دال وسط قلبـي طابعـه


قاطعتنـي بقولها سبحـان رب العالميـن


..................ومـرتيـن كـررتـها وبعد مـره ورابعـه


قلت وشفيك وشبـلاك يابنيه ترجفيـن


...............ليش عينك يابنيـه من كلامـي دامعـه

قالت الموقف وقلبـي والمحبـه والحنيـن


.................كيف اشوفك بعد ماكنـت عنك قانعـه


قلت انا بسألك انكانك انتـي تذكـرين


............عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

............بيعونـي غصب حبك لو هو ماني بايعـه

انا في دنياي حالي كنهـا حال السجيـن

............حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

..............السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن


.............والولد اسمه على اسمك والمشاعـر جايعـه



* * *


مما اعجبني ونقلته

تقبلو تحياتي

الموضوع الأصلي: شفتها ياسعود صدفه بعد مامرت سنين !!! | | الكاتب: عقيد المدرهمات | | المصدر: شبكة بني عبس

[البعيد الهادي]

صح اللسان شاعرها
وتسلم انامل ناقلها..احسنت النقل ياعقيد المدرهمات
وتقبل فائق الاحترام والتقدير

[عقيد المدرهمات]

لا هنت ونتشرف دائماً بك وعلى الرحب والسعة

[ابراهيم المدينه]

عقيدالمدرهمات

صح لسآن شاعرها وناقلها

تقبل مروري ودمت
بود

[الشاطئ المهجور]

اشكرك على النقل وتحياتي لك

[سعد الرشيدي]

نقل رائع

اشكرك عقيد المدرهمات

[ولد حايل]

والحين انا ام لثلاثه عندي ريـم وياسميـن


.............والولد اسمه على اسمك والمشاعـر جايعـه

بيض الله وجهك اخوووي عقيد على النقل الجززززززل

وربي حزنت في

[مريف الرشيدي]

صح اللسان شاعرها
وتسلم انامل ناقلها..احسنت النقل ياعقيد المدرهمات
وتقبل فائق الاحترام والتقدير