[مهند العرعري]

حيــــــــــاكم

هلا والله

يالله حيّهم كلّن باسمه

فصّلتوا ثياب بيضاء والا توّكم

ترى الصيف جاء.. لايهمكم اللي يقول ( بيّاع الخبل عباته )

ياحبّي للمكيف بس

الموهيييم

قبل اخوووش في الموضوع

عندي لكم فكرة جوهنمييييه خوقاقييييه

هماهـ ( حقّـون ) الملعب ناشبين بحلوقنا عند الشالات والاعلام

وش رايكم نقهرهم ونفصّل ثياب ( زرق )

<< لاعاد تقترح

.
.
.

نخوووش في الموضوع

البارح ياجماعة الربع

إتّصلت على واحد قوي مره

قوي بكل ماتحمله الكلمة من معنى

هلالي أبا عن جد

يموت بشي اسمه هلال

دمّه ازرق وعروقه بيضاء

بس مشكلته انّه عايش بالكويت

اكثر واحد يخلّيك تمسك بطنك من الضحك

عرفتوووه

7

7

7

سألني :

وش اخبارك ياعبدالرزاق

.. وش اخبار جماهير الرياض

قلت له :

هلا هلا.. انا مهند

.. والله الاوضاع ماهيب اللي انت تبي بالحيل

قال :

افا.. ماهيب هي والله يامهند

قلت له :

الشكوى لله.. بس ترى اسمي مهند

قال :

طيب وش فيهم جماهير الرياض مايجون للملعب يا توفيق

قلت له :

ياخي مهند .. مهند.. اقسم بالله اسمي مهند

قال :

عفوا عفوا... لا تواخذني الكبر شين يا مصطفى

قلت له :

جماهير الرياض صايرة تطفش من الحضور... ماعاد جو الملعب يونّسها

قال :

اذا السالفة كذا... ابشروا بعزّكم وانا ابوعدنان

قلت له :

وش عندك ... وش ناوي عليه

قال :

باجيكم وباحضر معكم مباراة الاثنين مع فريق وفاق سطيف الموريتاني

قلت له :

والله من الدجّه الكرويه يابوعدنان

.. اجل وفاق سطيف.. وموريتاني بعد

قال :

هههههههههههه لاتدقق واجد يا حمزة

قلت له :

مهند مهند مههههههههههند

قال :

خلاص خلاص.. اللي تبي.. بس المهم تراي جايّكم للملعب

وناوي اقلبها هستره بالمدرج.. وباستلم الجماهير واحد واحد

اللي ودّه يضحك ويستانس يجي

.

.

.

وش رايكم يازعماء ؟؟

مابقى الا هي ترى... نجيب لكم ابوعدنان

بالعربي الفصيح :

تراها مباراة كؤوس.. خروج مغلوب.. وقدّام الجار ( ديربي )

يعني اذا ماجيتوا ولا مليتوا المدرج بهالمباراة.. لاتجون ابد

جماهير الديربي الماضي بكل صراحة... تفشّل

والعشم فيكم اكبر

اتركوا عنكم عبدالله الحربي وفارس عوض.. وتعالوا فلّوها مع التنديل

ملاحظة / ترى كل مافات مجرّد خرط فاضي لا اكثر.. لا يجيني احد مطفّي النور ويقول نصّاب

عَنْ عَبْدِ اللَّهِ بْنِ مَسْعُودٍ رَضِيَ اللَّهُ تَعَالَى عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:

لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ قَالَ رَجُلٌ: إِنَّ الرَّجُلَ يُحِبُّ أَنْ يَكُونَ ثَوْبُهُ حَسَنًا وَنَعْلُهُ حَسَنَةً. قَالَ: إِنَّ اللَّهَ جَمِيلٌ يُحِبُّ الْجَمَالَ الْكِبْرُ بَطَرُ الْحَقِّ وَغَمْطُ النَّاسِ



أَخْرَجَهُ مُسْلِمٌ.

الموضوع الأصلي: إلحـق عمـرك.. وقـص تذكـرتـك.. مفـاجـأة كبـرى بتشـوفـهـا بالاستـاد | | الكاتب: مهند العرعري | | المصدر: شبكة بني عبس

[ولد عبس الرشيدي]

اذا بيجي جمهور هلالي يتفرج على تسحيبات التون وغالي يمكن هههه

اما فوز بعيد عن شواربكم

[شهاليل]

هههههههههههههههههههههههههههههههههههههه
الله يرج عدوك وانا مدرعمه ومتحمسسسسسسسسه مع الموضوع هع

[هلالي صميم]

اتمنى حضور جماهيري كبير بمقدر سمعة الكرة السعودية

وبعدين مدير استاد ملعب الملك فهد صرح بطباعة 62 الف تذكرة

وفيه ناس بيقووولو قليلها ليش ما خلاها 70 الف نتمناها

ولكن اتمنى كل التذاكر التي طبعت تنفذ بحضور الجمهور

أما بالنسبة إلى الزعيم الهلالي فأعتقد أنه سيكمل مشواره

بالأنتصارات المتتالية ع النصر كا العاده


ولكن واتمنى ان الهلال لا يخربها من البداية ويسجل عدد من الأهداف بالدقائق الأولى


لكي لا تنسحب جماهير النصر من المدرجات لأن حلاتهم وهم حاضرين لأنهم متعوديين

[أبو مهند]

فايزين بإذن الله بعدد الأطفال اللي بصورة العرض

مع الدعاء لأبنائي باتوفيق والصلاح

[مهند العرعري]

مشكورين على الردود

[هتلر الرشيدي]

يعطيك العافيه اخوووووووي مهند ,,

[العايضي2009]

ياخوي حلم جمهور النصر أن التون يسحب محمد نامي يعني هذة عند جمهور النصر بطوله

والا جمهور الزعيم الفوز بالخمسه نعتبرها خسره

الله يوفق الزعيم