[غازي البراك]

السلام عليكم ورحمة الله وبركاته
اخواني في منتديات قبائل بني رشيد وزوار الكرام
هذه احدا قصايدي بالقبيله امل من الله ان تنال علي ستحسانكم

من قبل لا اكتب وسجل جزل المثالـي=أختـار جـزل المعانـي قـبـل لااكتبـهـا
الشرح الوطال قلـت الشـرح ماطالـي=تــرى القـصـايـد نقـدمـهـا لطالـبـهـا
ياعبس ياخـوان عنتـر طيـب الفالـي=أنـتـم منابـيـع جــود جــدود مطيبـهـا
أنتـم هـل الطيـب ونتـم سدنـا العالـي=ترجـع هبـوب الحسـود اللـي يهببهـا
انـتـم جـبـال رســت مـعــاد تـنـزالـي=النعـم فـي عبـس حاظرهـا وغايبـهـا
برض الكويت وقرى السودان خيالي=رشايـده مـن مظـارب عبـس طيبـهـا
ومن غار عليا وزيد الهضبت الجالي=ومـن ردت الفـرس شرقهـا وغربهـا
ياقـوم حنـا سـوى فـي كــل منـزالـي=نبـى نتكاتـف يـديـن الـعـز نقضبـهـا
والاول الـلــي يـعـلـم فـعـلـه الـتـالـي=لاخـيـر فـــي فـكــرة تكثرمصايـبـهـا
ولاأمـن مـوجـود دام الامــن مـزالـي=تكثـر ظـعـوف تفـتـل فــي شواربـهـا
مثل الآصابع قصار وبعضهـا طوالـي=عـجـايـب يـفـهـم الـعـاقـل عجايـبـهـا
أن عـودة للقشـر والسيـف وصـالـي=عـدونـا طـعـنـت العـبـسـي يجـربـهـا
وان عـودة للكـرم وسـلـوم ورجـالـي=مـثــل القـبـايـل نـوايـبـنـا نـوايـبـهـا
مـذم كــل البـشـر شجـعـان وبطـالـي=وكـل القبايبـل عزيـزه دون واجبـهـا
أهــل الـكـرم والوفـاورجـال عـقـالـي=تـبـيـن الـحــق وتـبـرهـن مطالـبـهـا
ويالله أنــا طالـبـك ياالـوحـد الـعـالـي=يالله هل الكـذب وهـل الحسـد تنكبهـا
وصــلاة ربــي عــدد مـاهـل همـالـي=عـلـى نبـيـا دروب الـشـرك جنـبـهـا

وعند ما نشرة هذه القصيده في منتديات المرقاب جاراها الشاعر حامد ابن عوجان في هذه القصيده [/SIZE]

لقـيـت بالمنـتـدى مايـشـرح البـالـي=قصـيـدة بـيـض الله وجـــه كاتـبـهـا
غازي منـاور عريـب العـم والخالـي=حسيـت كنـه عـلـى شـانـي مرتبـهـا
من عقبها صرت بين اقفاي واقبالي=والنفس مع سكة الهاجـوس متعبهـا
حـدد بهـا ديـرتـي وديــان وجبـالـي=غاية هوى النفـس لامنـي مشيتبهـا
ماينوجـد مثلهـا فـي وقتـنـا الحـالـي=لو دجت الاوطان مشرقهـا ومغربهـا
ماطيـع فـي حبـهـا حـاسـد وعـذالـي=افـــداك بـالــروح يـــادار ربيتـبـهـا
احـب انـا نجـد حـب مـالـه اشكـالـي=احبهـا مـثـل حــب الفيصـلـي لابـهـا
ومدح بها لابتـي فـي جـزل الافعالـي=افعالـهـم كــل طـيـب فـكـر شـادبـهـا
بني رشيد اهل جود وفعل ووصالـي=واهــل ولــى والـمـكـارم ماتجنـبـهـا
متوارثيـن المكـارم عـبـر الاجيـالـي=مايختلف لـو يشيـن الوقـت مذهبهـا
رجالهـم مـن طرفـه الحمـل مامـالـي=من دون الاوطان روحـه مايشحبهـا
وكــل القبـايـل لـهـا تـاريـخ ينقـالـي=تـقـوم بحمـولـهـا وتـســد واجـبـهـا
والحـمـد لله عليـنـا فـــي واظـلالــي=فـي نعمـة مـن كـرم ربـي نعيشبـهـا
حكـامـنـا ماتـقـصـر تـبــذل الـمـالـي=والارض نرزق ونمشي في مناكبهـا
وهم درعنا هم ذرانا باشهب اللالـي=عيطـا يحصـل ذراهـا مــن يلوذبـهـا
وصـلاة ربـي عـدد سيـل ليـا سالـي=علـى الـلـذي كـمـل السـنـه ورتبـهـا

الموضوع الأصلي: قصيده بالقبيله مع مجاراة الشاعرحامد ابن عوجان | | الكاتب: غازي البراك | | المصدر: شبكة بني عبس

[بدر نوران]

.
.


غازي البراكـ



صح لسانكـ .. ولساانـ ابن عوجانـ


لاهنتم وبيض الله وجيهكم



تقبل احترامي


اخوكـ

[العماري]

صح لسانك يا غازي ويابن عوجان


والقبيلة تستحق اكبر من ذالك

[عابد الرشيدي]

صح لسانك يا غازي ويابن عوجان

والله يبيض وجيهكم

[الاجهر]

[هداج]

:p :p :p :p :p :p :p :p :p :p ;) ;) ;) ;) ;) ;) ;)

صح لسانكم جميع

[غازي البراك]

اقتباس من مشاركة بدر نوران . . غازي البراكـ صح لسانكـ .. ولساانـ ابن عوجانـ لاهنتم وبيض الله وجيهكم تقبل احترامي اخوكـ

صح بدنك يابو نوران مرورك يهمني ويشرفني

[حامد عوجان]

الاخ غازي البراك المحترم
السلام عليكم
تعلم ان اهم دافع لدي للمجاراه هو ان القصيده في منتدى المرقاب ويرتاده عدد كبير من المتابعين
ورغبت لان قصيدتك جزله ان يشاهدها اكبر عدد من الناس
كثر الله امثالك الحريصين على رفع اسم القبيله بالشعر الجزل
او اي اسلوب طيب يرفع اسم القبيله
تحياتي لك
اخوك حامد بن عوجان