[ضيف عليكم]

يامحيوة خلاك من يكرم الضيــــــــــــــــــــــف # ابن شباط اللي سند من عنا لــــــــــــــــه

رجلٍ على الطوله ينط المشاريـــــــــــــــــــف # ما هو من اللي شوفته قد حالـــــــــــــــــه

ليا مره الحوال طش الملاقيــــــــــــــــــــــــف #وقولت هلا قدام بيته وبالــــــــــــــــــــــــــه

على جناب محيوة يندي الصيــــــــــــــــــف #يلقاه من ينزل حوالي جبالـــــــــــــــــــه

معروف ابو فالح على غير توصيـــــــــــــــــــف # يباشر النزال لو ماعنا لـــــــــــــــــــــــــــــــه

واليوم بالخبراء بعيد المحاريـــــــــــــــــــــف # وبدار السعود مخيرٍ به رجالـــــــــــــــــــــــه

دار بدار ان صار فيها عواصيــــــــــــــــــــــف # وكرامة الرجال هي رأس مالـــــــــــــــــــه

نعزكم من قلب ماهو سواليــــــــــــــــــــــــف # ولولاك طيب ماكتبت الرسالـــــــــــــــــــــة

الشاعر/ ساير طليحان العطشان

عمدة بلدة عقلة العطشان

عضو المجلس البلدي بالنبهانية

هذه القصيدة رداً على قصيدت العطشان التي أرسلها عليه وأقول فيها :

ماهل هتاف المزون المراديـــــــــــــــف *** نو الوسوم اللي صدوقٍ خيالــــــــــــــــــــه

يامرحبا يا أهل القلوب المواليـــــــــــف *** يامدلهين الجار لا ضاق بالـــــــــــــــــــــــــــه

مقداركم تشهد عليه المـواقيـــــــــــــــف *** وأحيا الزمان اللي تقافت ليالــــــــــــــــــــه

مقداركم مصيون عن كل تحــــريــــــف *** خليت له عندي مــكانٍ لحــالـــــــــــــــــــه

لو الليالي يابو ماجــــد على الكيـــــــف *** شرواك مــاأدور صديــــقٍ بدالـــــــــــــــــــــه

دنياك فيها تطلب النفـــــس وتعيــــــــف *** وكلٍ على المقسوم شدت رحــــالـــــــــــــه

ورسالتك فيهاجميع التــــصانيــــــــــــف *** مثل الــــذهب لا صب صافي زلالــــــــــــه

ومغلفة من منجم المـــــــاس تغليــــــــف *** تشرح مضامين الـــوفاء والأصـــالـــــــــــــــه

وامعنت لك من كل جانب محـــاريف *** من شان يالصاحـب نحــوش الجمــالــــــه

وقم يانديبي فوق زين التواصيـــــــــف *** من فوق جيبٍ مــن ضمـــان الوكالـــــــــه

يطوي مهاميه السهال الشفاشيـــــــــــف *** في شاية المـــولى قليل عطالــــــــــــــــــــــه

يحمل من الخبراء ثمين المضـــاريـف *** مافوقــــه إلا سايقـــــــــــه والــــرسالــــــــــــه

يلفي على العطشان راع المعــــاريـــف *** الصاحب اللــــــي مايمـــلّك قبالـــــــــــــــــه

وقله ترانا مـــــاعلينا تخــاليــــــــــــــــــف *** من مـــد جود اللــــي عباده تســــــــــــــــاله

شرحت لك من باب الأعماق تعريـف *** ياللـــي محلٍ للوفاء والشكـــــــالـــــــــــــــــــه

ماودي أشرح طايله للملاقيـــــــــــــــف *** ويضيع المـــفهوم راع الجـــهــالــــــــــــــــــه

واهدي سلامي للقلوب المعــــــاطيف *** عد الشهر واللـــــي ترقِّب هلالــــــــــــــــــــه

أخوك / علي بن بجاد بن شباط الحربي

الموضوع الأصلي: قصيدة الشاعر ساير العطشان الرشيدي موجهة للشاعر علي بن شباط الحربي | | الكاتب: ضيف عليكم | | المصدر: شبكة بني عبس

[شاعر شاب]

صح لسان الشاعرين ساير بن طليحان العطشان المضيبري الرشيدي
والشاعر علي بن بجاد بن شباط الحربي

قصيده جزل والله يديم المحبه بينهم ويجمعهم على الطاعه والمعزه

وحياك الله اخوي ضيف عليكم ومشكور عالقصيدتين

[ضيف عليكم]

السلام عليكم أخي / شاعر شاب تحية معطرة بالعود والورود ......... وبعد بصراحة معجب كل العجب بهذا المنتدى الأكثر من رائع الذي يدل على التكاتف بين أفراد القبيلة الرائعة أنا لست من القبيلة ولكن حبكم هو الذي دفعني للمشاركة وتقبل مروري ولك تحياتي .
أخوك/ ضيف عليكم البدراني الحربي ـ القصيم

[برق الوسم]

صح لسان
الشاعر ساير العطشان الرشيدي
و
الشاعر علي بن شباط الحربي
قصيده جزل والله يديم المحبه بينهم ويجمعهم على الطاعه والمعزه
وحياك الله اخوي وننتظر جديدك

[خطاف الشعار]

صحت السنتكم
ياشعار
وحياك الله في منتدى أخوانك

[عايض بن صالح]

صح السان الشاعرين العطشان وابن شباط على هذه القصائد التي تعبر

عن متانة العلاقه فيما بينهم

شعار كبار لاهنتم

[سالم الحصم]

ليا مره الحوال طش الملاقيــــــــــــــــــــــــف #وقولت هلا قدام بيته وبالــــــــــــــــــــــــــه

صح لسان الشعار

لا هنتم