[عبدالله عوجان]

معاناة غزه

اللهم انصرهم بنصر ٍ من عندك

ياغزّه أحنا ماصحينا من النوم=للحين وأحنا فيه نحلم ياغزّه
وحلومنا ماهيب مثل أيّة حلوم=حلومنا ذلّ ٍ عجزنا نعزّه
ستين عام جروح وأحزان وهموم=ونكبه وتغريبه ونكسه وهَزّه
لاعاد ترجين العرب وألقي اللوم=على تخاذلهم تجاه المعزّه
وعيشي على ذكرى الزمن وأذكري دوم=(صلاح الايوبي) بمجده وعِزّه
بالماضي أهلكنا هل الفرس والروم=واليوم مانقدر علمنا نرزّه
ماهو مهمّ نكون شجعان وقروم=أهمّ شيّ نكون كشخه ورزّه
وماهمّنا (القدس) إن سقط في يد القوم=والمشكله مافيه أحد نستفزّه
حكامنا مافيهم أيّات زيزوم=ولافيهم اللي للوغى يفزّ فزّه
ولافيهم اللي ((فكّر)) لنصرك يقوم=ولافيهم اللي ((ماجرالك)) يهزّه
مايليّن أقساهم ويجعلْه مهزوم=إلاّ { عنود ٍ } ردفها له تهزّه
مير أطلبي ربّ ٍ له عباده تصوم=وإرجيه نصر ٍ منه في كلّ حزّه
ويالله ياخالق سماء وأرض ونجوم= هوّن على غزّه معاناة غزّه

عبدالله عوجان

الموضوع الأصلي: معاناة غــــــــــــــزّه | | الكاتب: عبدالله عوجان | | المصدر: شبكة بني عبس

[أبو نوح]

مـاهـو مـهـمّ نـكـون شـجـعـان وقـــروم
أهــــمّ شــــيّ نــكــون كـشــخــه ورزّه


شكراً على هذه الرائعة


الله ينصرهم بنصره

[برق الوسم]

صح لسانك واعتلى شانك ياعبدالله عوجان
قصيده جزله من شاعر لايكتب الا الجزل
لاهنت وتقبل مروري

[عبد العزيز]

اقتباس من مشاركة عبدالله عوجان معاناة غزه اللهم انصرهم بنصر ٍ من عندك ياغزّه أحنا ماصحينا من النوم=للحين وأحنا فيه نحلم ياغزّه وحلومنا ماهيب مثل أيّة حلوم=حلومنا ذلّ ٍ عجزنا نعزّه ستين عام جروح وأحزان وهموم=ونكبه وتغريبه ونكسه وهَزّه لاعاد ترجين العرب وألقي اللوم=على تخاذلهم تجاه المعزّه وعيشي على ذكرى الزمن وأذكري دوم=(صلاح الايوبي) بمجده وعِزّه بالماضي أهلكنا هل الفرس والروم=واليوم مانقدر علمنا نرزّه ماهو مهمّ نكون شجعان وقروم=أهمّ شيّ نكون كشخه ورزّه وماهمّنا (القدس) إن سقط في يد القوم=والمشكله مافيه أحد نستفزّه حكامنا مافيهم أيّات زيزوم=ولافيهم اللي للوغى يفزّ فزّه ولافيهم اللي ((فكّر)) لنصرك يقوم=ولافيهم اللي ((ماجرالك)) يهزّه مايليّن أقساهم ويجعلْه مهزوم=إلاّ { عنود ٍ } ردفها له تهزّه مير أطلبي ربّ ٍ له عباده تصوم=وإرجيه نصر ٍ منه في كلّ حزّه ويالله ياخالق سماء وأرض ونجوم= هوّن على غزّه معاناة غزّه عبدالله عوجان

أخي الشاعر المتألق عبدالله عوجان صح لسانك على هذه الرائعه,,
قصيدة جميلة جداً تعبر عن مشاعرك الصادقه تجاه اخواننا في غزة

لك مني جزيل الشكر

ننتظر إبداعك الملحوظ

[العووضي]

بيض الله وجهك شاعر وكفؤ

[ابو بيان]

اللهم انصرهم على الكفره الملحدين اللهم انهم لايعجزونك انك على كل شي قدير اللهم انصر اخواننا في فلسطين وفي كل مكان يارب العرش العظيم انك على كل شي قدير وصلى الله وسلم على سيدنا محمد صلى الله عليه وسلم ...........
الاخ عبدالله عوجان
انت شاعر علم بارك الله فيك وتقبل تحياتي وفالك التوفيق
ويالله ياخـالـق سـمـاء وأرض ونـجــوم
هـــوّن عـلــى غــــزّه مـعـانــاة غــــزّه

[نمر فهد بن براك]

بيض الله وجهك. شاعر مميز لا عادترجين العرب وألقي اللوم.......على تخاذلهوم تجاااااااه المعزه.تقبل............

[عبدالله المظهور]

عبدالله عوجان

ابدعت ياعبدالله
بيض الله وجهك
كفووووووووو
كفيت ووفيت

قصيده شاعر متمكن . وجاءت في وقتها .

الله ينصر اخواننا في غزه .. ياااااااااااارب .

شكرا لك .. وتقبل تحياتي وتقديري .