[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاوره بين الشاعر النيص والساعر ابوعوجه

النيص

أنا عندي سوالف تبا شاعر مجابه=ليا لاحت بروق السحابه والرعد حن
ولو برق السحابه سبب موت السحابه=تساق الانس بالارض وتغيب سماء الجن

ابوعوجه

وانا شاعر واعرف السؤال امن الاجابه=ولاياراعي الفن سولف لي عن الفن
يموت الجرح وتموت بالجرح الاصابه=ولاكن ضرسك ان طاح طبح بعده السن

النيص

تخطب وخطبتك عوجت هوش وطلابه=ولادري ليه عيا على اخته صاحبك هن
اظنك ما تنحنـحـت يـوم اطـق بابـه=وضاق ولاذكر كان ضاق الصدر بك غن

ابوعوجه

خطبنا ودنـا بـالتجمـع والقرابـه=ولكن قاسي القلب قلبه صار ميحن
لاوالله جيت للبيت خايف من طنابه=ونسيت انحنحه مير قلبي بعدها ون

النيص

مادامنك عوج تشبه للقوس الربابه=وكل الناس في عوجتك ماتحسن الظن
وش الي جاب صعنون سفره يم طابه=و هو ما تحته الا وباره ورثها مصن

ابوعوجه

أنا اعوج ولعوج كل من شافه يهابه=ولاكان انت نيصٍ على اسمك ياجرس دن
اعرف النيص من غابه يحول بغابه=يدور للعشاء ميـر لــو يأكـل مـايسمن

النيص

ذريع ما يمره حنيني و انـت دابـه=تلوا في شطابه وتسحب رجلك بشن
نسى وش صار لكان مافيهاغرابه=طيورٍ طايره ويش لو راحن ولو جن

ابوعوجه

اجل لداب رجلين ياحضرت جنابه= اثرك اللي يشيل الحمل لو الحمل طن
علام النيص بأخر زمن قلب ثيابه=ياكابتن يحسبنه مثل شرواك كبتن

صحت السنتكم ياشعار وماقصرتو

الموضوع الأصلي: النيص وابوعوجه | | الكاتب: العالم الفلكي | | المصدر: شبكة بني عبس

[ابو عوجه]

بيض الله وجهك على التنسيق يالعالم الفلكي
ودمت بخير

[العالم الفلكي]

اقتباس من مشاركة ابو عوجه بيض الله وجهك على التنسيق يالعالم الفلكي ودمت بخير

وجهك ابيض يابوعوجه

مشكور على المرور والتعليق