[ناصر خنيفر]

اخواني بني رشيد عبس تم عمل خطة ناجحة بإستدراج حزب النصر وضمه لحزبنا حزب العمدة وإليكم الردود وموافقة حزب النصر على الأنضمام.

ياماشاالله عليكم كلن يصرح على كيفه ولافيه احترام ابد ابد ابد

وش هالحياه اللى صارة فوضا ليه مافيه عمده يحل المشاكل

وبعدين وش هاللى يبى يسويله حزب عيب عليكم عندكم (عمده)

وانا رايح فى مهمه حول 6شهور وراجع انشاء الله وارجو ان تكون الامور تمام


والوضع يحتاج الى قصيده وانا اتمنى من العمده ان يكتب قصيده عن هالموضوع

وشكرا للجميع ........

الحارس الشخصى للعمده..يعقوب العبسي

طيب انا اقول اربع ابيات ومن جا من حزبناوحزب النصر يكمل اربع ابيات على نفس الوزن والمعنى والقافه

كثرت الاحزاب لكن مالها بالدار قيمه= غير حزب النصر والعمده فلا فيه اعترافي
كم وكم حزبن يحاول مار عود للهزيمه=من يجرب فعلنا في خطوته يرجع خلافي
انفو اللي يستجد وشجعو ناسٍ قديمه= حزبي وحزب النصر بدياركم ياعبس كافي
وكملوباق القصيده يوم خطيت الوسيمه= كل شاعر بالربع ابيوتٍ يجيب البيت وافي

العمده

ياسلام عليك يالعمده
حتى ولونك مهزوم تعد الحقيقه وهذا اللي محليك والا عيال الناس واجد
ههههههههههههه

ماركب بشداد ريمه غير راع شداد ريمه=ومن قراء في شعر مرشد ماجهل شعر النصافي
ومن يحاول يعكس الطرقه يبا يحصل قسيمه=ولايحول بالبحورالمظلمه وهو متعافي
انذر اللي يحسبن الشعر يالعمده وليمه=علمه يمد رجلينه على قد الحافي
ياكثر من فعلنا يوم اللقاء ذب الخريمه=يوم دورات اليالي والسنين اللي اعجافي

ناصر صويان

حزبنا مايهزم ولكن هذه من شيم الرجال تقول الحق عليها ولا على عدوها

العظايم مالها غير الرجال اللي عظيمه=مثل عمدتنا وبو خالد وقطاع الفيافي
وغيرهم من طب بالميدان يبشر في جحيمه=الحرايب ماهي حب مرودعت حمر الاشافي
ماش حزب الا اثنين اللي وصايفهم عديمه=وغيرهم مرفوض يالي من بعيد الدار لافي
ذي علوم الزيدي الي كل وقفاته سليمه= دام ريسنا ابو تركي لايخاف ولانخافي

وضاح اليمن

مرحبا من هاجس البيطار والنيه سليمه = كل ماشفنا شهاب ٍ فوق روس الجن هافي
ماش غير النصر والعمده وباقيهم وليمه = ذي حقايق والحقايق تنجلب من فكر صافي
الخنيفر لا تراكا يرجع جموع ٍ عظيمه = والشويلع لا يهاب ولا يذل ولا يخافي
اسمعوا رد العلوم اللي مع الواقع مقيمه = مانشوف اللي علومه تشتبه لليت طافي

شاعر عبس

ياسلام الله وناصر بن خنيفر مانظيمه=وانا مندوبه وانا له فدوتن والجو صافي
وناصر شويلع ترى له مننا حشمه وشيمه = لو تحدانا تحدي والقوافي بالقوافي
يعيش عمدتنا وحزبه وابو خلودي غريمه =لو تعادلنا نبي نلعب معه شوطن اضافي ههههههههههه
يابن عايش بختصرها حزبكم مافيه قيمه = ذاك يستنكر وجوده واقلب العربان نافي

راعي الشلفا

من هجوس ٍ طيبه تفرق من الخصم وخصيمه =مرحبا بأبن الخنيفر بالوفاء كافي ووافي
مالقينا غير حزبين ٍ لهم بالوقت قيمه = وانت يابندر وربعك كل منكم صار حافي
كم شجاعا ً قبل علمك صار بيدينا وليمه = ايتمنى مير مايقوى بوقت الأصطفافي
والله انك غير تبكي مثل ماتبكي اليتيمه = والسعاير وسط جاشك ماتفيد ابها المطافي هههههههههه

فلسفة شاعر


مسك الختام

تم دمج النصرمع ضباط وجنود وزعيمه= وانتها كل الخلاف وسكرو باب التجافي
تحت حزبن من خلق بالكون ماحب الضليمه= حزبنا اللي كان قال العلم بين الكل يافي
ذي مواقفنا تشرف ياكتم بالجوغيمه = ياحتما حام الوطيس وخضبت حدب الرهافي
اجتمعنا بالوفا والعز جعل الله ديمه =وانتهينا وستدعدو ياعساكر ونصرافي ههههههههه

العمدة

الموضوع الأصلي: تم دمج حزب النصر مع حزب العمدة | | الكاتب: ناصر خنيفر | | المصدر: شبكة بني عبس

[سالم الرشيدي]

تــــروح وتـــرجع بـــســلامه يالعمده

ومااافي غير حزب النصر وحزب الــعمده


وصح السنت الشعاار وبيض الله وجيهكم

ماشاء الله عليكم


تـم دمـج النصرمـع ضبـاط وجنـود وزعيمـه
وانتهـا كـل الخـلاف وسكـرو بـاب التجافـي
تحت حزبن من خلـق بالكـون ماحـب الضليمـه
حزبنا اللي كـان قـال العلـم بيـن الكـل يافـي
ذي موقفـنـا تـشـرف ياكـتـم بالجوغيـمـه
ياحتما حام الوطيـس وخضبـت حـدب الرهافـي
اجتمعنـا بالـوفـا والـعـز جـعـل الله ديـمـه
وانتهينا وستدعدو ياعساكر ونصرافي ههههههههه



العمدة

صح السانك وبيض الله وجهك يالعمده

ولاهنت وانت دائمن حلال المشاكل

[ابن حيان]

ذي موقفـنـا تـشـرف ياكـتـم بالجوغيـمـه
ياحتما حام الوطيـس وخضبـت حـدب الرهافـي
اجتمعنـا بالـوفـا والـعـز جـعـل الله ديـمـه
وانتهينا وستدعدو ياعساكر ونصرافي ههههههههه


صح اللسانك ياعمدة الشعار ولااكن انا عندي مشكله يوم الاثنين كانت المحاوره عندي
انا والاكحل والاكن طلعت للبر وانا ناسي الموعد وكماء تعرف المنطقه سيؤل والشباب
قالو طلعه وانا طلعت للبر ونسيت المحاوره فارجو من سعادتكم التوسط عند العقاد الرجل الكفو الذي اكن له الاحترام والتقدير

[خطاف الشعار]

الخطاف
لايوافق على هذا الراي يالعمدة
وإذا تم الدمج فعتبرني عدوك
لكن نصيحة تدارك الأمر منذ البدء
وتجنب شيئآ يزعل حزبك.
لاوالله الا تو مابان الخلل في قايد الحزب الكبير=
الكبر جاه وخرف الشايب وسبب مشكله في حزبنا

[خاتم الرشيدي]

بيض الله وجه يعقوب العبسي الحارس الشخصي للعمده على طرح الموضوع
وصح السنتكم ياشعار الحزبين
وكلكم مافيكم حيله وفالكم المليون ولبيرق
وحزب جديد غير مقبول بوجودكم ايها الروساء الذي لااجد من يضاهيكم
وعسا اجتماعكم يدوم وعزكم يدوم

شكرا العمده على هذا اتنسيق

وتقبل خالص الود وتقدير

[خطاف الشعار]

هذا القرار
النهائي من الخطاف

[خاتم الرشيدي]

الكبر جاه وخرف الشايب وسبب مشكله في حزبنا

اذا كان على ماتقول فهو رجل حكيم مدرك وواعي على مايفعل
يخاف ان يكون من بعده تفرق ويحاول لم الشمل ودمج الاخوه
مع بعض قبل أن يلحقه الهرم ولايستطيع تجميعهم
هههههههههههههههه

[ناصر خنيفر]

اقتباس من مشاركة ابن حيان ذي موقفـنـا تـشـرف ياكـتـم بالجوغيـمـه ياحتما حام الوطيـس وخضبـت حـدب الرهافـي اجتمعنـا بالـوفـا والـعـز جـعـل الله ديـمـه وانتهينا وستدعدو ياعساكر ونصرافي ههههههههه صح اللسانك ياعمدة الشعار ولااكن انا عندي مشكله يوم الاثنين كانت المحاوره عندي انا والاكحل والاكن طلعت للبر وانا ناسي الموعد وكماء تعرف المنطقه سيؤل والشباب قالو طلعه وانا طلعت للبر ونسيت المحاوره فارجو من سعادتكم التوسط عند العقاد الرجل الكفو الذي اكن له الاحترام والتقدير

موضوعك منتهي وعذرك ماقبول لكن لاتعودها ثاني مره