[عطر الاوركيد]

من عز نومي صحيت وشفت فـي عينـي
دمعاً تهـادى علـى جفنـي وأنـا غافـي

ستـرت دمعـي بكمـي قبـل يغريـنـي
وأخذت هذا الجسـد مـن باقـي لحافـي

وسريـت تايـه ورى خطـوات رجلينـي
لا الوجه وجهي ولا أوصافي هي أوصافي

أمشـي وأقـول لطريـقـي لا توديـنـي
لعيون نـاسن تبـي تـدري عـن الخافـي

أمانتـك.. خلهـا مـا بيـنـك وبيـنـي
خابرك يالـدرب خـوة عمـر وسنافـي

مـا ودي النـاس تـدري وش يبكيـنـي
كرامـة النفـس ورث أبـوي وأسلافـي

أمشي وأحـس الخناجـر فـي شرايينـي
والبرد يمشـي وراي وينهـش اطرافـي

وحـيـد واللـيـل بـردونـه يغطيـنـي
تقـول كـن البلـد روح بهـا السـافـي

إلين مـا أوحيـت لـي صـوتن ينادينـي
صوتن أعرفه مثل ما أجهل وش خلافـي

قمـت أتلـفـت وانــادي لا تخليـنـي
ما غيره.. الصوت هـذا صوتـه الدافـي

ولمحت زوله من أقصى الـدرب لافينـي
مدري وش اقول لكن حـي هـا اللافـي

تعال.. شف غيبتـك كيـف أثـرت فينـي
تعال.. شفني وأنا أغرق عقـب مجدافـي

تعال.. خذنـي ورحبـي مـن عناوينـي
تعبت أعدي علـى جمـرك وأنـا حافـي

تعال واقطـف بصوتـك زهـرة سنينـي
كـل المواعيـد عقبـك شمعهـا طـافـي

تعـال وازرع خصـل شعـرك بكفينـي
بضمهـا ليـن أحـس بليلـك الظـافـي

تعـال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي

حتى بديـت أشعـر أن الحـب معمينـي
وان أنت حلم عثـى فينـي وأنـا غافـي

لكـن أمانـة تـرى اللـي فـي كافينـي
إن رحت منك كـذا مـا رحـت متعافـي

بصـدق الحلـم وأحـذر لا تصحيـنـي
فـي خاطـري كلمتيـن إن قلتهـا كافـي

أمانـة الله عليـك إن غبـت عـن عينـي
لا يكون قلبك مثل قلـب الزمـن جافـي

مـع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي


لكــــــــــــــــــم حبي ..
عطر الاوركيد ...

الموضوع الأصلي: مع كل ضحكة تذكر قلبي الوافي | | الكاتب: عطر الاوركيد | | المصدر: شبكة بني عبس

[برق الوسم]

قصيده رائعه صح لسانك ياعطر ع هالرائعه
مودتي

[زهو الايام]

عذبــه جداً
صح السان شاعرها
وتسلم يمينكــ يالغاليه

[دنياك أنا]

رووووووووعه

يعطيك العافيه

دمتِ بود

[الغزاله]

أمانـة الله عليـك إن غبـت عـن عينـي لا يكون قلبك مثل قلـب الزمـن جافـي

ولا أروع

تسلم يــــــــدك

[العقيد ابوشهاب]

مشكوره اختي على النقل

[عطر الاوركيد]

برق الوسم مرورك اسعدني
تقبل تحياتي
عطر الاوركيد

[منصور غنيمان]

عذبــه جداً
صح السان شاعرها
وتسلم يمينكــ يالغاليه