[سلطان العايضي]

قصيدة للشاعر / صالح بن عايش العايضي يطلب من الله يغيث العباد و البلاد

ويتحف بها شبكة عبس وجماهيرها الغفير ومتذوقي الشعر ونوادره

يا الله يا منشي صدوق المخاييـل=يا عــــالم الدنيا و ما كــان ما بـه
عسى الحويطة تسقيها الهماليـل =حيث إن صالح ساكن ٍ في جنـابه
سيل يســقـّيــها ليا جرهد اللــيـل =يسيـــل واديهــا وهــاك الدعــابه
يعطف بها النوار مثل الخلاخيل =مثل الذهب في كف زاهي اعذابه
ويرتاح عود ٍ ما يطيق المحاويل =تقول هـــرش ٍ طـايحـن له بلابــه
يرعى المواعز بس مامن محاصيل= متــــولــع ٍ مع الغــنم من عذابـــه
من أول ٍ يحسب حساب الرجاجيل =واليوم لو ربــّـا الغنم عاف ما بــه
يا ابو علي حيثك على الراي حلحيل =افزع لصالح قبل يبـــــدي صوابه
دنياك هذي من كبار الغرابيــــــل =تركض على المسلم وتنثر زهــابه
وياخو عطا عدّل بيوتي عن الميل =واحرص على صاف الورق بالكتابه
خلك بليهي دايمن يقدر الشيـــــــل=وافزع لعود ٍ ما اهتــنــا في شـرابه
عود ٍ مع المعزا كما طير ابابيــــل =لو طـــببه بالســـوق ما هي جــــلابـه
مير افزعوا معنا على شرّد الخيــل =يا اهل الفخر والجود وقت الصحابــه
يامحرقين البن وســــط المعــــاميل =كل يشــد السيف يقضب نصــــابـــــه
يا ابو مدلهم ما تثــــيب التخـــايـيل =نخـــيت ربع ٍ كلبــــوهم عصــــابــــه
حيث انك الثالث على القال والقـــيل =ومثايـلن تشــــدا لــوبــل السحـــابه
دنياك هذي اشغـــلت واني الحيـــــل =لو إن حـــاله مثل قــــوس الـربــابة
لو راح للـدكتـــور ياخـــذ تحــــاليل =لو جاء لدكتــــور الادارة ما ثـابــــه
في مـرقده دايـم يشــوف التزاويل =يروعــه وقـت ٍ يكـشـّـــر بنـــــابـــه
يا ابو مدلهم افــزع لنـــا بالتمــاثيل =الله يوفقــــــك السـعــــد بالاجـــــابة
اطلب لنــا المولى تهـل الشخــــاتيل =وكـل من جـــا في مكــان اهتـــنا به
من أول ٍ نرعى الغنم بالمســــــاييل =واحيان نرعــــــــابه بعالي اهـضــابه
واليوم في رمثٍ مادخل به سماليـل =رمثٍ خضر ما غير تومي رقـــــــابه
ابطلب المولى عسى يدرج السيــــل =والسيل في ســد الحويـــطة هــوابه
ومن بعدها ترتــــاح كل الزمــاميل =وكلٍ يخلي الذهـــب في جـــــــــرابه
وابو مدلهم حيثه على شاطي النيـل= يفهم رصيـــــده ثم يفــــهم حســابه
وتمت بذكر اللي ردع ريس الفيــــل =اللي نوا الكعبة بشي ٍ مشــــــــــــابه

الموضوع الأصلي: قصيدة جديدة لشاعر / صال ح بن عايش العايضي بالامطار والغيث | | الكاتب: سلطان العايضي | | المصدر: شبكة بني عبس

[اسير الصمت]

قصيده جزله من شاعر جزل

بيض الله وجه الناقل والقائل,,

[موج البحر]

قصيده جزله من شاعر جزل

بيض الله وجه الناقل والقائل,,

[منصور غنيمان]

قصيده جزله من شاعر جزل

بيض الله وجه الناقل والقائل,,

[ابو سامي]

قصيده جزله من شاعر جزل

بيض الله وجه الناقل والقائل,,

[عادل العويمري]

صح لسانك وبيض الله وجه

[ابو ريان الرشيدي]

قصيده جزله من شاعر جزل

بيض الله وجه الناقل والقائل,,

[فتى كسلا]

بيض الله وجهك اخوى سلطان
وسلمت ايديك على النقل الرائع
وصح لسان الشاعر