[ســــيـــف]

لو الخطـا يقبـل مشاريـه وأعـذار=من قبل لا تخطي بقول أنت معـذور
مير البلا قلب حـوى كـل الأفكـار =ما يقبـل العميـا ولا يقبـل العـور
قدرك يوم انـك علـى كـل مقـدار=عديت حد العـذر ياراعـي الحـور
لـو كنـت للخفـاق امـر وجـبـار = اليوم لا منهـي و لا هـوب مامـور
عديتهـا مـرة ومــرة وتـكـرار =فعلك يخلينـي بـلا قلـب وشعـور
اسمع كلامي وانتبـه تقـرب الحـار= ماني على مثلك فالاشـوار مجبـور
اشوم عن مثلك واذا صار ما صـار= طويت عنك رشاي واقفيت مسـرور
واليوم لا تلحـق معاذيـرك أسـرار =لا ترسل اشواقك ورى بعض طابـور
بنيت من دونك علـى قلبـي اسـوار = حطيت عن ذكرك وعن صورتك سور
مابغاه يلقاهـا مـن انسـان غـدارا = عطيه حب ويجـرح القلـب ويبـور
كم قلت لك شفني على الجرح صبـار=حتى غديت بعالـم الحـب مغـرور
واعماك عن جرحي مشاريه واشـوار = كنك تقول انه على القـرب مسحـور
والله ماتدمـح خطايـاك الأعــذار = بس ابتعد ماني على الحـب مجبـور

الموضوع الأصلي: قـــــــصــــــــيــــــده | | الكاتب: ســــيـــف | | المصدر: شبكة بني عبس

[راعي الشلفا]

صح لسانك ياسيف على هالقصيده الوافيه ولاهنت

[عبدالله سالم الرشيدي]

سيف

صح الله لسانك ولا هنت على هذه القصيدة الرائعه



وتقبل تحياتي وتقديري

[ســــيـــف]

اقتباس من مشاركة راعي الشلفا صح لسانك ياسيف على هالقصيده الوافيه ولاهنت

اشكر مرورك من القلب الى القلب
ودمت بــــــــــود يااخ العزيز

[ســــيـــف]

اقتباس من مشاركة عبدالله سالم الرشيدي سيف صح الله لسانك ولا هنت على هذه القصيدة الرائعه وتقبل تحياتي وتقديري

صح بدنك ولاهو غريب عليكم هذا التمجيد يااولاد عبس
ودمت بود

[مرزوق العجوني]

صح لسانك اخوي وتقبل مروري

[ســــيـــف]

اقتباس من مشاركة مرزوق العجوني صح لسانك اخوي وتقبل مروري

اتقبل مرورك بكل صدر رحب
وشكراً لك على التنبيه

[ماجد الصنيدح]

عديتهـا مـرة ومــرة وتـكـرار

فعلك يخلينـي بـلا قلـب وشعـور

اسمع كلامي وانتبـه تقـرب الحـار

ماني على مثلك فالاشـوار مجبـور

صح لسانك اخوي وتقبل مروري