[نشمي الرشيدي]

ماظن حب الخشوم يغير الماضي = أشـياء تعـقد خواطرنا ما ننساها
كد صلحت بالحنايا خطوطٍ عراضي= مجنون من قال حب الخشم يمحاها
وبالذات لاجت من اللي يعتبر قاضي = رجـل يعـرف الحـدود اللي تعـداها
ماكل من غلط طاح برجل متغاضي =ولاكل كلمه تقول السمع موحاها
وأن كان توجد عقول تصاب بامراضي = الله منحنا طريقة صرفت ادواها
حنا لنا حـض مثل الـبرق لاناضـي = يسـعى لنا بأول الدنيا وبـتلاها
ومهما يشح الزمان ومصرفي غاضي = نموت في عز والهامات مرخاها
ونمد مد الكرام اللي لهم ماضي= وناصل مواصيل كثر اللي تمناها
ونفوسنا تشوم عن نزلات اللافاضي= و الدين والجار والخوه ماننساها
رفيقنا عـن جمـيع اسلوبنا راضـي = وحدودنا من طمع فيها مايقواها
وكل الرجاجيل دون حقوقها تحاضي = والطيبه ترغب الطيب وينصاها

الشاعر/نشمي دغيمان الرشيدي

الموضوع الأصلي: حب الخشوم | | الكاتب: نشمي الرشيدي | | المصدر: شبكة بني عبس

[الولهان]

صح السانك على هذه القصيده
الجزله

تقبل تحيااتي

[مبارك الشويلع]

جزله من راس جزل

صح لسانك يالرشيدي

ولاهنت



ننتظر جديدك االجزل

وتقبل فاااااااااااائق احترامي وتقديري

[///ابوخالد///]

بسم الله الرحمن الرحيم
السلام عليكم ورحمة الله وبركاته


ماكل من غلط طاح برجل متغاضـي
ولاكل كلمه تقـول السمـع موحاهـا

صح لسانك يابوخالد اتمنى ان يستمر ابداعك وتتحفنا بالمزيد تقبل من القلب اخلص تحيه

لاحرمنا جديدك

:(

للمركز

[بندر الذيابي]

صح الله لسااااااااااااااانك اخوي نشمي


قصيده جميله للغايه



دائم نحن في انتظار جديدك


تحياتي لشخصك الكريم


اخوك


بندر الذيابي

[نشمي الرشيدي]

[

SIZE="4"]صح بدنك يالولهان وتشرفنا بمرورك
مشرف المنتدى الاسلامي والمكتبه تشرفنا بمرورك وتوجيهاتك
ابوخالدصح بدنك ويعطيك العافيه
بندر الذيابي لك اجمل تحيه على مرورك وتعليقك وجهودك[/SIZE]

[معيوف ابن زهيميل]

صح لسان نشمي ابو خالد الرشيدي وبيض الله وجهك على هالقصيدة الرائعة النادرة ، وصحيح من طول الغيبات جاب الغنائم ، هذه غنيمه ابو خالد ، وبعدين ابو خالد بما انك من المشرفين على المهرجان الثقافي للشعر الشعبي لماذا لم توجه دعوه من خلال هذا الموقع للشعراء للتسجيل في المهرجان ؟

[نشمي الرشيدي]

تشرفنا بمرورك ياشاعر المنتدى معيوف ولك الف شكر على التعليق وانشأ الله يحوزعلى رضاكم كل جديد يصدر مني
وانا احب الايضاح لك وللاخوة الاعزاء ان مجلس الشعر الشعبي الى الأن ليس له علاقه في المهرجانات التي تقام بالعطله ولم يطلب منا اي قصيده او مشاركه