[سعد الشقل]

السلام عليكم ورحمة الله وبركاته

اخواني الاعزاء ..//

موضوع قابل للنقاش والاقتراحات ..//

اما الان ندخل الموضوع

===============

لفت انتباهي التنظيم السيئه لمحاورات حفلات قبيلتنا ../

وخاصه في حائل والقصيم ..//

فعندما نحضر حفل ويوجد محاوره شعريه نجد عدد الشعراء هائل

يتجاوز الثمان شعراء ..//

فمثلا انا حضرت حفل بالقصيم للقبيله ..//

وكان متواجد كل من

دحيم الخياري .. راضي غالي.. فهاد القعبوبي.. زايد الرشيدي.. سوار الذهب .. سفر الدغيلبي .. نواف العازمي..عبدالله عتقان


لماذا كل الكم الهائل من الشعراء..؟؟

والله يا جماعه خير المحاوره التي اقيمت هذي مالها سنع ولا معنى ..؟ فاشله للابعد الحدود مافيه شي يذكر او يقال..؟

لماذا هذا كله ..؟

وفي حايل المنظمين ماعندهم سالفه الشاعر ما يمديه يقول شي قالو نشكر الشاعرين والان مع الشاعر فلان والشاعر فلان

مايصير يا جماعه عطو الشاعر فرصه يقول شي ..//

كيف تبون شعرائنا يقدمون شي وانتم هكذا تنظيمكم للحفلات ..؟



الي حبيت اقوله يا جماعه خير الي يبي يسوي حفل محاوره

يجب عليه ان يعزم ثنين من شعراء القبيله وشاعرين من خارج القبيله..//

مع تحيات ..// سعد الشقل

الموضوع الأصلي: التنظيم السيئ لحفلات المحاوره مناقشه | | الكاتب: سعد الشقل | | المصدر: شبكة بني عبس

[خطاف الشعار]

والله العضيم انك صادق ياسعد

لكن لاحياة لمن تنادي!!!

[العقاد]

اخي وزميلي سعد الشقل بعد التحيه والاحترام
لفت انتباهي كلمة ثمان شعراء في حفله واحده وبليله واحده هاؤلاء معزومين رسمي واعتقد انه يتواجد كثرهم من الشعراء الغير معزومين اي يعني 16شاعر اللهم زد وبارك لوحسبنا ساعات المحاوره وقمنا بتقسيمها على العدد المتواجد في حفلاتنا كم يكون نصيب كل شاعر ههههههههههه

[برق الوسم]

اخوي سعد انا اختلف معك ببعض ماذكرت واتفق معك ببعض ماذكرت

هناك حفلات كما ذكرت يوجد بها عدد هايل من شعراء المحاوره ربما تجاوزوا العدد 16 شاعر كما قال اخينا العقاد وهذا يدل على الاعتقاد الخاطي لصاحب الحفله بأن النجاح يكون بكثرة الشعراء وحضورهم ولايعلم بأن كثرت الشعراء سبب فشل حفله...

ولكن هناك حفلات منظمه من قبل اشخاص واعين يهمهم نجاح حفلاتهم وهم كثيرين ولله الحمد والشكر وسبق لي حضور اكثر من حفل لايتجاوزون الشعراء المعزومين 4 شعراء وكانت ملعبتهم منظمه ومرتبه وكانت حفلاتهم ناجحه بكل المقاييس اشكرك على طرح هذا الموضوع

[ابو بيان]

اشكرك على الموضوع كلامك ياسعد سليم 100% وانا ملاحظ ذلك وفيه ملاحظه اذا عزمت شعراء لابد من وجود صفوووف معزومه واذا لم تعزم صفوف لاتعزم شعراء الصفووف مكملين للشاعر والشعار كيف يلعب بدون صف وارجو من الاخوان التكاتف مع بعض والابتعاد عن العنصريه المدمره للقبيله وتكاتفوا وتعاونوا وابشروا بالخير اذا تكاتفنا نجحنا في كل المقائيس واذا تفرقنا فشلنا واصبحنا ضعفاء بالتكاتف القوه والهيبه ويجب على عريف الامسيه ان يكون منصف ويعرف المحاوره ويعرف متى يشيب الطاروق ومتى ينتهي ومتى يغير الشاعر الثاني وانا اعتقد الافضل ان الشعراء هم اللي ينضمون بعضهم بدون عريف لان الشعراء ادراى وبيض الله وجهك ياسعد وكثر الله امثالك وتقبل تحياتي ولك منى جزيل الشكر اولاحترام

[ماهر]

بالفعل كلامك صحيح حضرت حفله في حائل وكان شعراءها بن طمحي وثنيان ومحمد معيوف و بن عياضه وشعراء كثيرون لا اعرفهم ولم تنجح بسبب كثرة الشعراء
وحضرت حفله اخرى بالقصيم ناجحه بكل المقاييس وكان شعراءها عبدالله الذيابي و دحيم الخياري وراضي غالي وسليمان القصير هذه الحفله بيض الله وجه منظمها ناجحه 100 %
ولكن اعتقد ان المشكله في محاورات حائل هي التي تحتاج الى تنظيم

[صدى الاهات]

حفله وحده في حائل حضرتها وكانة ناجحه وكانت بين ملفي المورقي وناصرمرسال
وموجوده الحفله بالصوت والصوره في شبكة بني عبس وكانت من افضل المحاورات التي مرت علي في حائل

حتى ناصرمرسال يقول

الليله الملعبه ماحافها حايف = في عالي المستوى وتطمن الخايف = لكن ترى الفضل لله ثم لبو نايف = والرجل تصبر على الروحات والجيه

وكانه يقول

الليله الملعبه لم يحوفها شعراء صغار وانها في عالي المستوى وانها منظمه ويشير لصاحب الحفل ابو نايف وكانه يشكره على الترتيب = وكانة من افضل والنجح المحاوراة

نعم كلامك 100% مشكور على الطرح الناجح

[ناصر الخياري]

مشكور ياسعد على التنبية بس اضن ان المشكلة من الصفوف وليست من الشعار لان الصفوف مايعرفون يصفون
وانا شفت كذا حفل للقبيلة على قنوات فضائية لايجيدون الصفوف واعتقد ان الغلط من راعي الحفل او راعي العرس ولالوم على الشعراء
وتقبل تحياتي