[ريتال الداموك]

قصيده أعجبتني و نقلتها لكم ...للمبدع بدر الداموك

يا الأنيقه ..الباهره ..الفارع المزيونه=ياملامح طفلة الاحلام ,,يا بارونه

جيت لعيونك وأنا متغربٍ بأحزاني= شاعرٍ قد له ثمان سنين تدمى طعونه

كل أشياءه حزن !!حتى ابتسامة سنه= يضحك وصدره بكا لأحلامه المجنونه

لا غفت عين الخليّ اللي ماحس ب يومه=تمطر ضلوعه قبل تمطر سحاب جفونه

الزمن يقتل طموحاته وصبره يأخذ =من ثبات الضلع لا قامت تطيح ركونه

شاعرٍ لا هبّت الريح ورقا بالنايف= شرع ضلوعه وفك أفكاره المسجونه

(ربع قرن) بجرب الدنيا ويأخذ عبره=لين روّض نفسه الصلفه ولدّ عيونه

عن مخاوا اللاش والمسكين والمتكبر=طنخةٍ من راسه المطنوخ ..ياالمزيونه

وانتي ..الشئ الخيال..الفارق..المتباهي=لثغتك..هوسة هدبك ""وأشياءك المركونه

سالفة عطرك ..جنونك .ضحكتك.وعنادك=كلها دنيا قصيد وعالمٍ حنونه

والا أنا غريب ضاع العمر في ((شيكاغو))=وكنها من ضيقة الخاطر ماهي مسكونه

وانتي ..انتي ..والقصيد الفارع المتنومس=طاح لعيونك يا ((بارونه))جديد مزونه

الموضوع الأصلي: قصيده للمبدع بدر الداموك | | الكاتب: ريتال الداموك | | المصدر: شبكة بني عبس

[العريض]

صح لسان الشاعر

لاهنت اخي الكريم على نقلك الرئع

تحياتي