[عواض بن بهلان]

بسم الله الرحمن الرحيم

السلام عليكم ورحمة الله وبركاته

اقدم لكم هذي القصيده

وامل ان تحوز على رضاكم

مرت سنين ومهرتـي طبعهـا شيـن=عسفتـهـا لـكـن مـاهـي اديـبـه
حاولت اغيرهـا مـن الشيـن لزيـن=وثـر الطبايـع ماتغـيـر صعيـبـه
مـره تزعلنـي ومــره تراضـيـن=ومـره تقـل مـره ومـره زبيـبـه
ومره تقـل طعناتهـا ضـرب سكيـن=ومـره دواء لجـروح قلبـآ عطيبـه
قامـت تقلبنـي علـى العسرولـيـن=كنـي اقلـب بيـن ثـلـج ولهيـبـه
صبرت ليـن الحـد وش حـد حديـن=حـديـن لاوالله حــدودن مهيـبـه
الصبر واحد بس انـا شلـت صريـن=اصبـر وماجـاب الزمـان ايغديـبـه
مؤمـن بربـي والقدرساعـة ايجيـن=ومن خاف ربه راضيـآ فـي نصيبـه
خليتهـا تمشـي عـلـى ودهـاويـن=خليتهـا مافـيـه شـيـآ غصيـبـه
خليتهـا ماهملتهـا مـن وراالعـيـن=عينـي تلاحـظ كـل شيـآ تجيـبـه
قامت تموج ايسـار وتموجبـي يميـن=وانا علـى ضهـر الفـرس ولتويبـه
مابه اللجام وسرج وسبـوت رجليـن=ما حذا رسنهـا فـي يـدي وعتنيبـه
وخيالهـا عبسـي ولايشكـي اللبيـن=لوكـل يـوم تجيـب بقعـاء مصيبـه
احرص عليها حرص ابو حسين لحسين=تدري مثل حـرص الحبيـب الحبيبـه
الحرص يعنـي حـب بيـن المحبيـن=والحب قصـة خـوف لكـن رهيبـه
احبهـا حــب البـشـر للملايـيـن=وحبهـا حـب المريـض اللطبيـبـه
وحبهـا منـيـه لسـاعـت الـديـن=احبـهـا مافـيـه شـكـآ وريـبـه
لوماتغيـر طبعـهـا تبـقـا سنـيـن=لآنهـا مـهـره اصيـلـه عريـبـه
وخيالهـا عبسـي ولايشكـي اللبيـن=لوكـل يـوم تجيـب بقعـاء مصيبـه

الموضوع الأصلي: مهرتي | | الكاتب: عواض بن بهلان | | المصدر: شبكة بني عبس

[العريض]

صح لسانك شاعرنا العذب عواض بن بهلان


تقبل مرور تحياتي لك

[عواض بن بهلان]

اقتباس من مشاركة العريض صح لسانك شاعرنا العذب عواض بن بهلان تقبل مرور تحياتي لك

صح ابدانك





انت الغذب


يشرفني مرورك الكريم

[سعد الشقل]

صح اللسانكـ

قصيده رائعه من شاعر رائع ..//

ليس بغريب عليك الابداع هذا يا عواض ..//

[المجدوري الزبني]

صح لسانك شاعرنا ابيات جميله

[البعيد الهادي]

وحبهـا منـيـه لسـاعـت الـديـن

احبـهـا مافـيـه شـكـآ وريـبـه

لوماتغيـر طبعـهـا تبـقـا سنـيـن

لآنهـا مـهـره اصيـلـه عريـبـه

وخيالهـا عبسـي ولايشكـي اللبيـن

لوكـل يـوم تجيـب بقعـاء مصيبـه

صح اللسانك وتعلا شانك يابن بهلان
قصيده جزله ومن شاعر جزل
وداهيه ومبدع ماشاء الله عليك
وانا اشهد ان خيالها عبسي
وبيض الله وجهك
تحييييييييييياتي

[لايغرك زمانك]

صح اللسانك يابن بهلان
قصيده جزله ومن شاعر جزل

[ذيبان الرشيدي]

الله درك

يابن

بهلاان

على

هذا الراائعه


والجزلة


أقف
أجلالأً

لهذا المتألقه

بتألق شاعرها


تقبل

مرووري

وبنتظار الاجمل

تقبلــ
جلــ التحيهــ والسلامــ
ذ
ي
ب
ا
ن