[رشيد]

مانيب متحسف على فراق الانذال

* اللي لهم مع طاري العيب سيره

مخيبين الظن في كل الاحوال

* لاجيتهم تلقى اليسيره عسيره

والله مايحسب مع الناس رجال

* منهو بوقت الجد يترك عشيره

متجرد بالسوء من كل الأفضال

* مافيه خير ، وتركه النقص خيره

ياخالي الأفعال مليان الاقوال

* أنت الصغيره في عيونك كبيره

لاتكثر الاقوال تفضحك الافعال

* جنسك ترى والله ماراح ديره

تضحك وتبدي الود وإلا أنت دجال

* من فعلتك معروف ما بالسريره

ياتعس حظك يالردي وقت الأهوال

* واللي مثل شرواك سيء مصيره

لاتامن الدنيا ترى الوقت ميال

* الارض تشبع عقب ماهي فقيره

الحال مايثبت على وضع لوطال

* الوقت يمشي والليالي قصيره

المغتني هذاك ساءت به الحال

* والمنعسر صارت أموره يسيره

لاهزنا منصب ولا رزنا مال

* بالطيب والاخلاق شفنا الستيره

ماضامني صدك ولامات بي فال

* عزمي قوى وافضال ربي كثيره

نشكي على الله ضيقه الصدر والبال

* ونصبر على الصدمات لو هي خطيره

محد بميت جوع والخبز بريال

* والماء بلاش ورحمه الله كبيره


محد بميت جوع والخبز بريال

والماء بلاش ورحمه الله كبيره

بيض الله وجهك اخوي فيصل وعافاك الله
صح لسانك ولا هنت


اسم القصيده وشاعرها :
" نشكي على الله "
للشاعر الرائع والمميز
فيصل بن سبيل الباهلي

الموضوع الأصلي: نشكي على الله | | الكاتب: رشيد | | المصدر: شبكة بني عبس

[العريض]

صح لسان الشاعر

لاهنت رشيد على النقل

المميز تقبل مروري وتقديري

[المجدوري الزبني]

صح السانك ياشاعر ومشكورين على النقل

[خالدالغلا]

يسلمووو ع النقل وتقبلو مروري

[رشيد]

سلمكم الله احبتي

صح لسان شاعرها ولاهنتم