[ولد الهيلا]

السلام عليكم ورحمة الله وبركاته
مبروك عليكم رمضان يارجال عبس وكل عام وانتم بخير

هذه محاورة قديمه بين الشاعرين الكبيرين فيصل الرياحي وحبيب العازمي حبيت انقلها لكم



فيصل الرياحي

ســلام يـاهـل الـديـار الـلـي عليـهـا ســـلام = حامينهـا أهــل السـيـوف الـحـدب حامينـهـا

الـلـيـلـه الـمـلـعـبـه مـاتـعـتــرف بـالـنـظــام = ولـيــا حـضـرنـا نـبــي تـرجــح موازيـنـهـا

حبيب العازمي

يامرحبـا يارجـال(ن) مــن ديــار(ن) كــلام = يازيـنـهـا فـــي لـيــال الـصـيــف يـازيـنـهـا

اللـيـلـه الملـعـبـه تـحـتـاج ربـــط الــحــزام = ولـيــا وقـفـنـا نــبــى نــخــزي شياطـيـنـهـا

فيصل الرياحي

اليـا خلطـت السوالـف مـن حـلال وحــرام = الـكـلـمــة الـثـانـيــه عــنـــدي بـراهـيـنـهــا

ياحبيـب اليـوم خلـك شعـرة(ن) فــي سـنـام = والــبـــدو تـلــقــاك لاشـــــدت بـعـاريـنـهـا

حبيب العازمي

أن جنبت في اللحم وإن وافقت في العضـام = والكـلـمـه الثـانـيـه تـاصـلـك فـــي حـيـنـهـا

مانـي بشـعـره أناخصـمـك قـطـوع الـعـرام = وان زاد جـــن الـبـقـوم أحـشــر مجانيـنـهـا

فيصل الرياحي

أن وقعت في الصخر وان وقعت في العدام = حـنـا سـيـوف الـمـعـارك وأنـــت سكيـنـهـا

الله ربــــي وربـــــك يـامــطــوع جــهـــام =(تسجـد عـلـى الأرض) لاثــارت براكينـهـا

حبيب العازمي

لـو مامـعـي غـيـر سكـيـن ومـطـرق بـشـام = أخــذ سـيـوف أكـثـر البـقـوم مـــن يديـنـهـا

الله رب الـجـمـيــع وصـاحــبــي مــايـــلام = هـجــت ذلـولــه تـلــوى فــــي كراعـيـنـهـا

فيصل الرياحي

كـم عـالـم(ن) يحلـمـون ويشمـتـون الـحـلام = مــــاردك عــــن الـبـقــوم ألا سـلاطـيـنـهـا

تــرا هـذيـك الهـنـوف أم الـذهـب والـزمـام = مـاعـدك ألا قــذاة(ن) فــي طــرف عيـنـهـا

حبيب العازمي

ويـن السلاطيـن يــوم(ن) الشـجـاري خـيـام = هــي بـيــض مـــن طبـعـهـا ولا مكسيـنـهـا

وأنتـه بعـد فـي حـدا الخـديـن دقــت وشــام = لله يـعـيـنــك عــلـــى الأيــــــام ويـعـيـنـهــا

فيصل الرياحي

شهد لنـا بخيـت يـوم الهـوش تحـت العسـام = مـاهــي بـكـذبـه مــــع الـعـبـلـه مسـويـنـهـا

عاملـتـهـا بـالـوفـا والـطـيــب والأحــتــرام = وأنـتـه تجـمـع عـلــى الـخـبـزه وراعيـنـهـا

حبيب العازمي

شـهــادة طـيـبـه لاهـــل الـهــوا والــغــرام = قـصـيـدتــن كـــــل خــلـــق الله مـغـنـيـنـهـا

ياصحابـنـا لايـزيـد الـطــق فـــوق الـلـحـام = أنـــتـــم مـغـديـنـهــا حـــنــــا مـعـشـيـنـهــا

فيصل الرياحي

أنتـم كمـا الـزرع ياعتيـبـه وحـنـا الـصـرام = لأرض مـــاعـــاد تـحـمــاكــم مـيـاديـنــهــا

ياشاعـرن فـي المـلاعـب لبـسـوك الـوسـام = ضيـعـت فــي اللـيـل عشرتـهـا وعشرينـهـا

حبيب العازمي

كلمـتـك هـــذي ماتـنـقـص للنـشـاما مـقــام = يـالـلــي تــهــدد عـتـيـبـه ويــنــك وويـنـهــا

يالشاعـر الـلـي نبتـلـك مـثـل ريــش النـعـام = مـاصــالــحــن لـلــبــقــوم ألا دكـاكـيـنــهــا

فيصل الرياحي

نـدخـل عـلـى الله تـرانـا مـانـسـب الـكــرام= أقـولــلــي ســالــفــه مـــاهـــم بـنـاسـيـنـهـا

مـن يـوم ركبـت طوقـن مثـل طـوق الحمـام = حـتـى أم ضرفـيـن جاديـنـك عـلــى ديـنـهـا

حبيب العازمي

الـســب مـالــه مـجــال ولايـفــك الـزحــام = وأن جـبـتـلـك سـالـفــه مـيـعــادك دويـنـهــا

مايختـلـف هالريـاحـي منـتـفـخ كـــل عـــام = كــــن أم ضـرفـيــن غـاذيـتــه بضرفـيـنـهـا

فيصل الرياحي

مـزكــوم ياصـاحـبـي واعديـتـنـي بـالـزكـام = ديـنــت بـنــت الـحــلال ولا قـضــا ديـنـهـا

سبحان مـن حـط جسمـك مثـل عـود الثمـام = كـنــك مـــن أفـريـقـيـا وأحــــد مساكـيـنـهـا

حبيب العازمي

خــلــه لـعـلــه عـسـاكــم كـلــكــم للهيـــــام = الـعـافـيــه صـــــح مــنــتــم مستـحـقـيـنـهـا

وزن الخشـب طـن ولا المـاس كيلـو جـرام= حــمــر الفلـسـطـيـن نكـبـتـهـا فلسـطـيـنـهـا

والسلام عليكم ورحمة الله وبركاته
تقبلو تحيات اخوكم ولدالهيلا

الموضوع الأصلي: محاوره قديمه لحبيب العازمي وفيصل الرياحي | | الكاتب: ولد الهيلا | | المصدر: شبكة بني عبس

[شامان]

بيض الله وجهك

اشهدنها محاورة قمة

وكل عام وانت بخير

[تأبط شراً]

بيض الله وجهك على النقل الرايع

[ولد الهيلا]

اقتباس من مشاركة شامان بيض الله وجهك اشهدنها محاورة قمة وكل عام وانت بخير

وجهك ابيض ياخوي شامان وكل عام وانت طيب

[ولد الهيلا]

اقتباس من مشاركة تأبط شراً بيض الله وجهك على النقل الرايع

وجهك ابيض ياخوي

[نجم الجدي]

الله يعطيك العافية أخوي ولد الهيلا على نقل هذه المحاورة
الجميله بين قطبين من أقطاب شعر المحاورة
شكراً جزيلاً لك
وكل عامٍ وأنت بخير