[فـ عتيبه ـارس]

هذه القصيدة للشاعر قتيل الهوى العذري / دخيل الله بن عبدالله الدجيما العـتيـبي
وهي قصيدة مشهوره وكثير من تغنى بها وأحببنا إيرادها ..

في هذا الموقع والمعذرة عن التقصير أو النقص ..

يا جر قلبي جر لدن الغصونـي "" اغصون سدرٍ جرّها السيل جـرا

على الذي مشيه تخط(ن) بهونـي "" والعصر من بين الفريقيـن مـرا

وأهله منّول بالـورق يورقونـي "" على غدير(ن) تحته المـا يقـرا

لا والله اللي بالهوى هوجرونـي "" هجر(ن) به الحيلات عيّت تسـرا

لا مبعد(ن) عنهـم ولا قربونـي "" ولا عايف(ن) منهم ولا ني مورّا

وأكثر عذاب القلب يوم سنحونـي "" بيّح بصبري لـو بغيـت أتـدرا

وقلبي عليه أشفق وتبكي عيونـي "" والحال مـن ود الحبيّـب تبـرا

يا عز تالي من تفـرق شطونـي "" يعزالي أرمى بالسلـب واتعـرا

إن مت في دافي حشاه ادفنونـي "" في مستكن الروح ما هوب بـرا

يضفي عليّ بخينقـه والقرونـي "" ومبيسم(ن) عن الهبايـب مـذرا

وخد(ن) كما البراق فعلي المزوني "" تقول براق(ن) من الصيف سـرّا

وأقفت لجله شايهات(ن) عيونـي "" كنّي غرير(ن) باللهاوي مضـرا

يا ليتهـم بالحـب مـا ولعونـي "" خلوني أقضي عازتـي وأتجـرا

ويا ليتهم فالدرب مـا واجهونـي "" ويا ليتهم ما زادوا القلـب حـرا

ويا ليتهم عن حالتـي سايلونـي "" يوم إني أقعـد عندهـم وأتحـرا

ويا ليتهم من زادهـم أطعمونـي "" وأنـا علـى زاد اليتيـم أتجـرا

لا قربـوا منـي ولا بعـدونـي "" ولا ميس(ن) منهم ولا ني مـورا

تبقلوووووووووووووووووووووو تحياتي..

الموضوع الأصلي: قصيدة قتيل الهوى وهذا سبب وفاته رحمه الله | | الكاتب: فـ عتيبه ـارس | | المصدر: شبكة بني عبس