[خليف الوهيداني]

هالليل منزوع خلق وضايق(ن)بالي=من جـور دنيـن تحدانـي لياليهـا
امنين ماروح معي الضيق يبرالـي=ضيق(ن)غدا عادت(ن)مقدر اخليهـا
ولو قلت مافي في النـاس تهتالـي=والبير جفت ودلـوي ويـن ادليهـا
وارضي دهور وجفاف وبرها خالي=ومع والدهر والجفاف الحقد ماليهـا
وماكنـت راجيـه فيهـا ماتهيالـي=وعزيت عنها من اولهـا لا تاليهـا
لعل دارن ماهـي لطيـب منزالـي=ينهـد بنيانهـا ويـقـل واليـهـا
وتصير للبـوم والغربـان مدهالـي=لاصار ماتستـر العانـي وغاليهـا
ماكل من لبس ثوب وبشت وعقالي=طال المراجـل وشامتلـه معاليهـا
الطيب قول وضمان القول الافعالـي=واقوال(ن)بـلا فعـل مالله محليهـا
لاجيت ابا رقا براس النايف العالـي=جلست نفسي على مرقـاه اماليهـا
ورجعت دونه من الوحده يوحالـي=والنفس همي بامقلا النـار قاليهـا
ماقلت انا الشعر لجل تقيـم امثالـي=شعري هواء النفس لا ضاقت يسليها

الموضوع الأصلي: لعل دارن ماهـي لطيـب منزالـي | | الكاتب: خليف الوهيداني | | المصدر: شبكة بني عبس

[المغرم اليائس]

شموخ وكبرياء
.
.
شكرا لكـ بحجم الابجدية المتوسدة السطر

[مسندالعويمري]

وافيه من راس وافي


صح لسانك يابن خزيم ..


قصيده تستحق الإشاده والتوقف عندها...


أطيب الأمنيات وشكرا لك

[فـ عتيبه ـارس]

صح لسانك قصيده كأنه غاصت بعمق البحر فخرجت مبلله بالابداع وتقبل تحياتي وننتظر المزيد من ابداعك

[فهد المويسه]

صح لسانك

قصيده جزله من شاعر جزل

وتقبل سلامي