[عبدالله عوجان]

اخواني مشرفي واعضاء وزوار منتديات فارس بني عبس

اقدم لكم هذه القصيده المتواضعه وهي اول مشاركه

لي في هذا المنتدى وان شاء الله تعجبكم

الجو هادي والليالي غطاليس= والراعبي يعزف غناه ويشيله
والدرب موحش والأماكن دياميس= واللي مشى بالدرب عقله دليله
والعلم منهل والذكاء للنواديس= وكلٍ حسب نهجه بيسلك سبيله
استبشري بالموهبه يالهواجيس=وستوطني شاعر بيوته جزيله
ياشعري الشاهق وش اقول واقيس=ياراسيٍ مرسى الجبال الثقيله
ياادقّ من هدالصقورالقرانيس=وارقّ من ريح الزهورالعليله
والذ ّمن وقت الفرج للمحابيس=لاحل من عقب السنين الطويله
واقوى من الوصف بقصيد امرؤالقيس=وامتع من اخبارالف ليله وليله
واعظم واجلّ من الغزل في شعر قيس=واصدق من عهود الخليل لخليله
واعذب من المدح بسجل القراطيس=في شعر ابو الطيب بسلطان جيله
واقسى من سيوف الرجال المدابيس=اصحاب طعنات السيوف الصقيله
بحرك طويل ولايقاس بمقاييس=وسماك غيم ومزن وارضك خميله
دام اي كلمه في بطون القواميس=مكتوب معناها بكلمه بديله
فاانت الك معجم له بدايه وتاسيس=يشمل جميع المفردات النبيله
ومنين ماهبت هبوب النسانيس=للحر طلعاتٍ وللحرب حيله
دقي على متن الزمن يانواقيس=واستبسلي بالمعركه يالكحيله
وقت الوغى تسمع صهيل الكراديس= وتستمتع بفعل الحصان وصهيله
والاّ الشعروهبه وخبره واحاسيس=والوقت تاريخه مدوَن حصيله

وسلامتكم

الشاعر عبدالله عوجان

الموضوع الأصلي: (شعري الشاهق) | | الكاتب: عبدالله عوجان | | المصدر: شبكة بني عبس

[فيصل الرشيدي]

الله الله الله

لله درك يا عبدالله عوجان

قصيدة جزلة
مبدعة

اكثر من رائعة

صح لسانك واعتلا شانك

ولا هنت عليها

استـبـشـري بالمـوهـبـه يالهـواجـيـس
وستـوطـنـي شـاعــر بـيـوتـه جـزيـلـه

[عبدالله عوجان]

سيف عنتر

اشكرك جزيل الشكر على مرورك وتعليقك

[بندر الذيابي]

:p :p :p :p :p


الله يعطيك العافيه وصح لساااااااانك علي هالرائعه


تقبل اعجابي وتحياتي

بندر

[ابوصالح]

الله الله الله
ماشاء الله عليك يابوعوجان

على القصيده الرئعه والف شكر

وبنتظار جديدك يااباعوجان

[الرشيدي]

صح لساااااااااااانك

مبدع بكل ماتحمله الكلمة من معااااان


صح لساااان الابداع

[عبدالله عوجان]

اشكر كل من اطلع وعلق على قصيدتي
ومع الحب والشكر والتقدير
وتقبلو خالص تحياتي
اخوكم
عبدالله عوجان

[الاجهر]

قصيدة رهيبة

عشرة على عشرة