[بنت النور]

العذر منّا يابن سينا وصّلـه لابـن النّفيـس

حنّـا تغيّرنـا وغيّـرنـا بَـعـد ملبوسـنـا

من عقب ماكنّا ندوّر صافـي الـدر النفيـس

ونارد على عدّ الـروى وسراجنـا فانوسنـا

اليوم صارت شاشة التلفاز هي نِعْم الجليـس

نجلس لها ماهمّنـا مهمـا يطـول جلوسنـا

ومنها تعلّمنا نقلّد موضـة الغـرب البئيـس

وصرنا نطقّس بالطقوس اللي مهي بطقوسنـا

وضاعت قيَمْنا واعتلا في سوقنا سعر البخيس

لو كان ماهي في مناهجنا وضمـن دروسنـا

واكبر دليل انَا عرب وِمْن الخميس ليا الخميس

مع بث شاشات الفضا قمنـا ندربـي روسنـا

عميان في طرد الهوى ونْتابع مسلسل لميـس

تركيّـةٍ لفتـة هَدَبْهـا أثّــرت بِنْفوسـنـا

تحكي عنِ سْنين الضياع وتندب الحظ التعيس

وقمنا نقطّع روس اصابعنـا بشفـرة موسنـا

مدري متى نصحى من الغفلات والحلم الكبيس

اللي رياحـه بعثرتنـا واعْصفـت بغْروسنـا

لكن على الله تَنْصَلِح ونْعُـود للـدر النفيـس

ونْعيـد مجـدٍ لاتذكّرْنـاه نـرفـع روسـنـا

محمد بن داخل

الموضوع الأصلي: لميس وسنوات الضياع | | الكاتب: بنت النور | | المصدر: شبكة بني عبس

[ابو محمد العريض]

اللة يابنت النور


مشكورة على النقل ولا بداع صح السان الشاعر محمد بن داخل

[عبد العزيز]

صح لسان الشاعر على هالابيات الذوق

والف شكر لك على النقل الجميل

[حــزام]

لكن على الله تَنْصَلِح ونْعُـود للـدر النفيـس

ونْعيـد مجـدٍ لاتذكّرْنـاه نـرفـع روسـنـا

امين
صح لسان الشاعر محمد بن داخل
ويعطيك العافيه اختي بنت النور على النقل
ولاخلا ولاعدم

[ادري طيبتي غلطه]

مشكووووووووره يابنت النوور على نقلك المميز

وصح لسان شاعرها

[إبتـہآج]

مــــشــــكووور يابنت النور على هالنقل الــــرائع سلمت يديك
وصح لــــســــان الشاعر

ويالـيـــت كل الأعضاء يقرأون هالأبيات ؟؟؟؟؟

[كهل الصباء]

ودي أعرف محمد بن داخل مين؟

أنا لقيت القصيدة بمنتديات الحليفة قبل أقراءها هنا...لكن من هو بن داخل هذا؟

هل هو رشيدي أم لا؟

أرجو الإفادة....سأعود.

[بـنـ شيوخ ـت]

مشكووووورهـ بنت النور