[راعي البلها]

السلام عليكم ورحمة الله وبركاته

السلام عليكم ورحمة الله وبركاته

اخواني واخواتي في منتديات بني عبس انقل لكم هذه القصيده بعنوان
زمان البنكنوت لشاعر الكبير عبدالله باتل قدمها في برنامج شاعر العرب على قناة رواسي فلقد تكلم هذا الشاعر الكبير في اول بيتين عن نفسه وكما علق بذلك أحد أعضاء اللجنة وذلك من خلال قصيدة لامس فيها جروح الأمة العربية والشباب الإسلامي تطرق بعدها لبر الوالدين مستشهدا من القرآن والسنة ثم تحدث عن الجراح الفلسطيني نعم هنا الابداع
زمان البنكنوت

لي مدةٍ مانـي مـع العالـم وبالنفـس إكتئـاب=أنحاشلي مـن مرمـره واطيحلـي فـي مرمـره
الله من كثر الهموم اللـي تسبـب لـك عـذاب=والله مــن هــم الدنـيـا وهــم الأخــره
والله من قـلْ الرجـال اللـي يعـزون الجنـاب=والله مـن قـل الـرجـال تـحـل المعـسـره
مافيه واحد لو تجيـه بنفـس قـام وسـد بـاب=إلآالخفايف والخفايـف مصخـره فـي مصخـره
وأنا ومن حولي على روتيـن والدنيـا إنقـلاب=ماكـل شـيءٍ نقـدره ماكـل شـيءٍ نـقـدره
وهذا زمـان إرهـاب وإلأ عولمـه وإلآ كبـاب=وإلآ زمـان البنكنـوت اللـي تجيـك مشجـره
وأمـة محمـد تستضـل وبيـن أياديهـا كتـاب=وأمة محمد فرّقـت مـن يـوم قامـت تهجـره
الظلـم فـرق شملهـا مبطـي وذاهبـتٍ ذهـاب=مخططـه ومشطـطـه ومــورده ومـصـدره
ومشرّقـه ومغرّبـه ومعلقـه فـي راس نــاب=ومفخـمـه ومرخـمـه ومكـسـره ومجـبـره
والمسأله فيها وفيها مـن عيـاب ومـن خيـاب=والدين قل وغطـت الدنيـا علـى كـل أكثـره
قامت تراكم لين صـار ركامهـا مثـل السحـاب=مثل السحاب إلياتراكـم بالسمـاء قبـل مطـره
من وين نبدأ ياجماعة خير من يفصـل خطـاب=المسأله من كـل حـدب وكـل صـوب مسكـره
لاتسلّ سيفك يابو زيد وخـل سيفـك بالجـراب=الخارطـه فيهـا خطـوط الأستـواء مبعـثـره
اعقل وخلك رجل لاتنعـق مثـل نعـق الغـراب=ماأنته بويـا الجمهـره ماأنتـه بويـا الجمهـره
لاتغرك الدنيا ترى الدنيـا مثـل هـاك السـراب=وهـل لحـق قبلـك سـراب البيـد وإلآدوره!!؟
ومن والديـك ارحـم ولاكنـه شديـدٍ بالعقـاب=ليا ضاقت الدنيا عليـك إدعـه وتـب إستغفـره
يبـدل السيـات حسنـاتٍ ويكتـب لـك ثـواب=وتكتب من أهل الميمنه ماأنته من أهل الميسـره
ولك يوم مضمون ضمان إنـك لتدفـن بالتـراب=ومـن قبـل لاتدفـن تكفـن رايـح للمقـبـره
وماتنطقه يكتب وماتعمـل يجـي يـوم المـأآب=مثقـال ذرّة شـر وإلا خيـر لـك يـومٍ تــره
وخذ الحذر خلك حذر وأحذر مثل حـذر الذيـاب=ولامنهـا جتـك الثعالـب كـن عليهـا قسّـوره
والله ينصر كل راعـي حـق لـو بعـد إطـلاب=والله يفشـل راعـي الباطـل ويلعـن كـوثـره
والله يخرب بيت من دور على النـاس الخـراب=والله يصلح مـن يقيـم كـل شخـص بمظهـره
بعض العرب عقله بعينه فيه زوغـه وإنجـذاب=وبعض العرب بإذنيه عقله كل من جـاء غيـره
وبعض العرب وجهه وسيـع ولايمـل ولايهـاب=وكنـه الياجـاب الكـلام إيكلمـك مـن منخـره
وبعض العرب ينبح مثل نبح العقور من الكـلاب=ولايشوف معـروفٍ تسـوي فيـه وإلآيشكـره
وبعض من الأصحاب والأقراب يقرص قرص داب=من غير ماتدري يحشـك حـش حصـاد الـذره
وبعض العرب ماخاف من ربه ولاحسّب حسـاب=علـى ضعيـفٍ ينهـره وإلا يتـيـمٍ يقـهـره
ودنياك فيها طيبين وطاب مـن بالطيـب طـاب=وناسٍ تطيب وناس عن كسب الجميـل مشفـره
ولاتسوي المعروف باللي ينكـره يذهـب هبـاب=وإن كان سويتـه كـذا سـوهّ وبالبحـر انثـره
وليل ونهـار النـاس بالدنيـا يحثـون الركـاب=اللي يـروح لمصنعـه واللـي يـروح لمنجـره
واللي يـداوم كـل يـوم بدايـره واللـي يغـاب=واللي ركـب بالطايـره واللـي يقـص التذكـره
واللي دخل مع معمعه واللي دخلـه مـع شعـاب=واللي يتوه مع الـدروب وكـل جـرفٍ يطمـره
واللي بدربه عجعجت واللي حجب شوفه ضبـاب=واللي عن الناس أختفـى مافـي نـاسٍ تذكـره
واللي رضى السهلات واللي راح للأشياء الصعاب=وكـل علـى مايهتويـه القلـب شغـل موتـره
وبعض العرب شعـره مثـل الأباعـر والـدواب=شاعر وهو ماتشوف في شعره من الشعر شعره
والشعر أساسـه موهـب غصـب ولاأكتسـاب=تصير خبل اليـا غصبتـه وهـو يطلـع ثرثـره
والـود يبقـى بيـن ذاك وذاك مابقـي العتـاب=وصحبه بليا عتاب بيـن النـاس مافيهـا ثمـره
والله يوفقنـا الطريـق اللـي يـودي للصـواب=والخاطـر الله يجبـره والخاطـر الله يجـبـره
وهنا حسـابٍ بيننّـا وهنـاك موجـودٍ حسـاب=كـلٍ يسلـم دفـتـره كــلٍ يسـلـم دفـتـره
ومن خوف لايدخل بقلبك شـك يامـال الرعـاب=الله أحـقّ إنـك تخافـه بـالأمـور وتـذكـره
من قبل ناكر يسألك ويصيـر ماعنـدك جـواب=ومن قبل تخّسر نفسك أول ثـم ربـك تخسـره
الله يقبـل توبـة التايـب الياأستغفـر وتــاب=ولايقبل الله توبـة اللـي تـاب عنـد الغرغـره
ويالقبله الأولى الخطوب اللي تزايـد والخطـاب=كله على شأنـك وشأنـك شـأن والله ماأكبـره
الله على الغربه يعينـك والفـرج فيـه إقتـراب=ياثالـث البيتيـن نطلـب مـن عفـو ومعـذره
ياقدس ياقدس أشهد إنـه بيننـا طـال الغيـاب=بيني وبينـك مجـزره بينـي وبينـك مجـزره
ياقـدس والله كلنـا فيـك بالخطـب المـصـاب=وكـلٍ يـراوح بالكـلام اللـي تخبـر بمنـبـره
وحنّا عليك أحّزم ورب البيت من فـرخ العقـاب=ميـر الآمـور مقـدره ميـر الآمـور مقـدره

الشاعر الكبير عبدالله باتل الرشيدي
لله درك يابو باتل هذي هي الاحاسيس والمشاعر الصادقه النابعه من القلب
اتمنى ان الاداره لاتبخل على هذا الشاعر بالاعلان له في الصفحه الرئيسيه من المنتدى

الموضوع الأصلي: زمان البنكنوت لشاعر الكبير عبدالله باتل | | الكاتب: راعي البلها | | المصدر: شبكة بني عبس

[ناصر عبدالله]

مشكوراخوووي على القصيده الرائعه

[حــزام]

بيض الله وجهك اخوي راعي البلها
اشهد بالله ان هذا القصيد ليا عد القصيد
البحر الميت مامثله شاعر
معلقه ماهي اسطوره كشف كل انواع المعانات فيها
صح لسانه
ويبشر بالتصويت
وتم تثبيت القصيده
ولاخلا ولاعدم

[مذكر الرشيدي]

بيض الله وجهك على هذه القصيده الرائعه
والله يعطيك العافيه
وهذا ليس بغريب على الشاعر عبدالله بن باتل

[نافع دميات الدريبي]

مشكوراخوووي على القصيده الرائعه

[العريض]

ليسى بغريب الأبداع على عبدالله باتل

تسلم اخوي على النقل لاهنت

[مرزوق العجوني]

صح لسااااان ابو باتل ولا هان وبيض الله وجهك اخوي ويبشر ابو باتل بالتصويت

[V.I.P]

شاعر ألهب حرارة يداي

الشاعر عبدالله باتل

ولازلت أصفق له