[ادري طيبتي غلطه]

تخليني كذا وحدي حزين وخاطري مكسور
اناديلك.. واناديلك.. ولا فكرت تسمعني


ابد ماجاء على بالي تعاملني بدون شعور
تحسب اني على كيفك تبعثرني وتجمعني


اذا انك كنت ما تقدر بهالجفا مجبور
امانه.. لا تعاودني وصالك ثم تقطعني


صحيح اني معي جمله تلف بخاطري وتدور
وربي ودي انطقها وقلبي ما يطاوعني


وعشان ارتاح بتكلم بلا احم بلا دستور
تجي سمحه تجي عوجه على الله يامعذبني


اذا هلت لك لغيري وصرت بدنيتك محشور
تبي الفرقا ولا ودك تواجهني وتوجعني


دخيل الله اكشفلي صدرك المستور
وقول ابعد عن دروبي ولاهو شرط تقنعني


وانا بوعدك ما يبقى لظلامك من شعاعي نور
ابرحل عن سماك ولا ابي حتى توادعني


وابكتب فوق قلبي مات هالطيب وهو مغدور
وساعتها كنوز الارض والله ما ترجعني


انا مابي حياتي ذل ولا ابي عيشتي مقهور
ولا بي غير عزه نفسي بوقت الجد تنفعني


ويكفي رضا ربي علي من الخطا والزور
ويكفي غلى ناس برمش العين ترفعني

الموضوع الأصلي: تخيلني كذا وحدي حزين وخاطري مكسور | | الكاتب: ادري طيبتي غلطه | | المصدر: شبكة بني عبس

[العريض]

صح لسان الشاعر تسلم يد الناقل

تحياتي

[ادري طيبتي غلطه]

الله يسلمك اخوي حجاج ويشرفني مرورك

[المغرم اليائس]

القصيدة رائعة
.
.
شكرا لك