[عاشق الصحراء]

لايخونك التعبير .. ماني ميت بحبك
لا ولا في هاللحظه جيتي على بالي
يمكن أكون قصة من قصص كتبك
هذا بخيالك وإلا أنتي ماجيتي بخيالي
وجايز إني أكون فرحة أنعشت قلبك
ورسمتلك كذا فجأة إني أنا الغالي
تمنيتي في أحلامك أحد مثلي يجي بدربك
والمصيبة جيت أنا وإنتي جيتي قبالي
تلعثمتي وتبعثرتي وتداخل شرقك بغربك
كذا وبسرعه قلتي لي أبيك اليوم يالغالي
بنظره وحده همتي بي .. وهام بي قلبك
بنظره وحده من عيني طلبتيني أنا وصالي
ماهو بيدي لاصارت نظرتي تربك
ولاهو بذنبي لاعشق قلبك جمالي
الله وهبني عيون في سحرها تشبك
كل عين تجي بعيني وأنا سالي
والله عطاني من الجمال مايفتن ويربك
وكل من تمر قربي صاحت اّاّهـ ياويل حالي
وإنتي بنظره وحده قلتي لي أنا أحبك
تبيني بسرعه وسهوله أحطك إنتي فبالي
إسمحي لي .. دربي أنا غير دربك
وقلبي أنا ... لغير ربي مايبالي
واللي تمنينه بوجودي وأنا بقربك
حاجه تفضحها عيونك ولاهي غابت عن خيالي
أدري بعقلك تشتهين أمشي بجنبك
تبيني أتبع الشيطان في عتم الليالي
تبيني بصمت الليل أجي وأشاطرك عذبك
تبيني أنا وحدي في بيتك الخالي
تبيني على سريرك أضمك وأتلحف بك
تبيني على فراشك أضم ابليس بأفعالي

الموضوع الأصلي: لايـ ـخـونـ ـ ـكـ الـ ـتـ ـعـ ـبـ ـيـ ـر ....,, | | الكاتب: عاشق الصحراء | | المصدر: شبكة بني عبس

[عبد العزيز]

يسلمو عاشق الصحراء

قصيده جميله جداً تحمل معاني كثيره

شكرا لك

[عاشق الصحراء]

الله يسلمك عزوز

مشكور تحياتي لك

[مذكر الرشيدي]

قصيده رائعه
واعجبني البيت هذا واصبحت اردده
إسمحي لي .. دربي أنا غير دربك
وقلبي أنا ... لغير ربي مايبالي

[عاشق الصحراء]

الفارس العبسي
كل الشكر على مرورك

تحياتي لك

[ايه*** انا]

إسمحي لي .. دربي أنا غير دربك
وقلبي أنا ... لغير ربي مايبالي

تسلم يمينك عااااشق الصحراء

تحياتي لك

[عاشق الصحراء]

مشكور اخوي

تحياتي لك.........

[ابو سعود]

له له روعه يالغلا