[ضابط ايقاع]

[ألنقاب لنصـف الخـد والعبـاه مخصـره
والكعب عالي شبر تحته الجنـز تسحبـه
والكحل رايق والشفـاه باينـه متحومـره
والشنطه بنصـف اليـد الأظافرمخضبـه
وبأشنطه جوال ومشط وقلم تحديد ومنظره
وقلـم بـس مـدري معلمـه ولا طالبـه
لاقبلـت القـوام فاتـن كنـه مسـطـره
وأن أدبرت لحول وش الي وراها تسحبـه
تناظر الناس بطرف عين أستغفر الله متكبره
لـو شافهـا شايـب السبعـيـن تجـذبـه
وجاك أبوالشباب شعره على متنـه ينثـره
وقام يباريها والجوال مـن جيبـه يسحبـه
قامت تصد متضايقـه والخطـاء متعثـره
تبي تجذب النـاس وقلبهـا محـد يجذبـه
يكلمهـا مـا تـرد كنهـا قنـاه مشـفـره
بس أكيد عنده حل لشفره وظبـط الذبذبـه
ذب الرقـم وقالـت العـن أم المسخـره
وحطته بأشنطه وقتنع ورجع ثوبه يسحبـه
ووكـل النـاس تناظرهاوبعـد تنـاظـره
ساكتين بس نظرة مهزله مـا هـي طيبـه
=مأبي اطول الشرح بـس أبـي المعـذره
هـذا قلـه قليلـه واكثـر النـاس طيبـه
=لمثلها اقول وش حدها للبس كـل ينظـره
وش معنى هـي تأكـل السـوق ومقلبـه
=وش هوله تبين حالهـا والثيـاب معطـره
لا تقلد وساقك على مشي غيرك لا تغصبه
=ولشباب من يلمس تفـاح النـاس وينظـره
يلمسـون تفاحـه وفيـه النظـر تقلـبـه
=ومـن يقطـف ورد الـنـاس ويـجـزره
يقطقـون وردك وعينـك عنـه مغيـبـه
=من دق باب النـاس لبابـه مـن يكسـره
وكل له عنـب بـس مـن يقنـع باعنبـه
=من شـق ستـر النـاس ربـي مايستـره
ومـن سيـب حلالـه لـه ذيابـه تنهبـه
=ومن ستر عيـوب النـاس ربـي يستـره
ومن تطاول الناس طوله تقصـره وتأدبـه

الموضوع الأصلي: العباه مخصره | | الكاتب: ضابط ايقاع | | المصدر: شبكة بني عبس